Don't Miss!
- News రిజర్వేషన్లు రద్దు చేస్తారు: మోడీ, కేసీఆర్పై రేవంత్ సంచలన ఆరోపణలు
- Sports SRH vs RCB: కొంపముంచిన విరాట్ కోహ్లీ జిడ్డు బ్యాటింగ్!
- Technology OnePlus Watch 2 వన్ప్లస్ వాచ్ 2 కొత్త వేరియంట్ విడుదల.. ధర, సేల్ పూర్తి వివరాలు..!
- Lifestyle పాలలో తామరవిత్తనాలు కలుపుకొని తాగితే ఇన్ని ప్రయోజనాలుంటాయా..?
- Finance Jio Cinema Premium: నెలకు 29లతో జియో ప్రీమియం..
- Automobiles వందేభారత్ రైళ్లలో 1 లీటర్ వాటర్ బాటిల్ రద్దు.. రైల్వే శాఖ కీలక నిర్ణయం
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
సమంత,అనుష్క ..ఇద్దరూ ఒకే టైప్ సినిమాలో...
హైదరాబాద్: స్టార్ హీరోయిన్స్ గా వెలుగుతున్న సమంత, అనుష్క ఇద్దరూ ఒకే తరహా చిత్రాలలో కనిపించనున్నారు. ఈ విషయాలని వారే ఖరారు చేసి చెప్పారు. సమంత తను తన తాజా చిత్రం 24 ప్రమోషన్ లో భాగంగా ఇచ్చిన ఇంటర్వూలో ఈ విషయం చెప్తే , అనుష్క మరో చిట్ చాట్ లో ఇదే విషయం తెలియచేసింది. ఇంతకీ ఇద్దరూ చేయబోయే జానర్ ..ధ్రిల్లర్.
అనుష్క...ఈ మద్యనే భాగమతి అనే చిత్రం కమిటైన సంగతి తెలిసిందే. యువి క్రియేషన్స్ పతాకంపై పిల్ల జమీందార్ అశోక్ డైరక్షన్ లో ఈ చిత్రం రూపొందనుంది. ఈ చిత్రం గురించి అంతా పదహారో శతాబ్దంలో హైదరాబాద్ ప్రాంతాన్ని ఏలిన మహమ్మద్ కులీ కుతుబ్షా, ఆయన భార్య భాగమతిల ప్రేమ ఆధారంగా కథ రూపొందుతుంది అనుకున్నారు.
అయితే ఈ వార్త నిజం కాదని అనుష్క చెప్పింది. నిజానికి ఇది ఓ థ్రిల్లర్ సినిమా అని అనుష్క చెప్పింది. ఈ సినిమాలో 'భాగమతి' అనే అమ్మాయి జీవితంలో జరిగిన సంఘటనల నేపథ్యంలో ఓ థ్రిల్లర్ సినిమాగా రూపుదిద్దుకోనున్నట్లు సమాచారం.
ఈ సినిమా రెగ్యులర్ షూటింగ్ మే చివరి వారంలో ప్రారంభమవుతున్నట్లు సమాచారం. ఈ సినిమా కి 'పిల్ల జమీందార్' ఫేం అశోక్ దర్శకత్వం వహిస్తున్నారు. మిగతా నటీనటుల, సాంకేతిక నిపుణుల వివరాలు త్వరలో వెల్లడించనున్నారు.
మరో ప్రక్క సమంత దృష్టి ..ఓ కన్నడ థ్రిల్లర్ పై పడింది. గత కొద్ది కాలంగా ఆమె ఈ సినిమా గురించి ట్వీట్స్ సైతం చేస్తోంది. ఆ మధ్యన నాగచైతన్య తో కలిసి బెంగుళూరు వెళ్లి మరీ ఈ సినిమా చూసి వచ్చింది. ఆ సినిమా మరేదో కాదు..యు టర్న్.
సమంత మాట్లాడుతూ.. నా మనసు థ్రిల్లర్ కథలపైకి మళ్లింది. అందుకే కన్నడ చిత్రం 'యూ టర్న్' రీమేక్లో నటించాలని నిర్ణయించుకొన్నా. తెలుగు, తమిళ భాషల్లో ఆ చిత్రం రాబోతోంది అని చెప్పింది. అందుతున్న సమాచారం ప్రకారం సమంత ప్రొడ్యూస్ చేస్తోంది ఈ చిత్రాన్ని. ఈ సినిమాలో ఆమె ఇన్విస్టిగేటివ్ జర్నలిస్ట్ గా కనిపించనుంది.