Don't Miss!
- News ఏపీ ఇంటెలిజెన్స్ డీజీగా కుమార్ విశ్వజిత్, విజయవాడ సీపీగా రామకృష్ణ
- Sports DC vs GT: ఆ తప్పిదంతోనే ఓడిపోయాం: శుభ్మన్ గిల్
- Lifestyle పెళ్లైన వ్యక్తితో డేటింగా? కాస్త ముందు..వెనకా ఆలోచించండి..లేదంటే కొంప కొల్లేరే..!
- Technology OPPO Find X7 Ultra కెమెరా రివ్యూ! అద్భుతమైన ఫీచర్లతో, బెస్ట్ కెమెరా ఫోన్!
- Automobiles 323 కి.మీ రేంజ్తో ప్రీమియం ఎలక్ట్రిక్ బైక్ విడుదల.. ధర తెలిస్తే కొనేందుకు ఆలోచిస్తారు..!!
- Finance Market Closing: లాభాల్లో ముగిసిన సెన్సెక్స్-నిఫ్టీ.. స్పీడు పెంచిన బుల్స్..
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
కత్తిలాంటోడు లో ఏం జరుగుతోంది? సంపూర్నేష్ బాబు సరే మరి అలి సంగతేమిటీ?
మెగాస్టార్ మూవీలో బర్నింగ్ స్టార్ సంపూర్ణేష్ బాబు నటిస్తాడని ఫిలింనగర్లో జోరుగా ప్రచారం జరుగుతోంది. చిరు పక్కన ఉండే ఓ కామెడీ రోల్ కోసం సంపూను తీసుకున్నట్లు తెలుస్తోంది. ముందుగా ఈ రోల్ కోసం సునీల్ను ఆ తర్వాత వెన్నెల కిషోర్ను సంప్రదించారు. కానీ వాళ్లు కాల్ షీట్స్ ఎడ్జస్ట్ చేయలేకపోవడంతో.. ఈ సోషల్ మీడియా స్టార్ లైన్లోకి వచ్చినట్లు సమాచారం. 'కొబ్బరిమట్ట' సినిమా ట్రైలర్లో సంపూర్నేష్ చెప్పిన పవర్ ఫుల్ డైలాగులు చిరును ఇంప్రెస్ చేయడంతో.. ఈ కామెడీ హీరోకు ఈ క్రేజీ ఆఫర్ దక్కిందని ఫిలింనగర్లో గుసగుసలు వినిపిస్తున్నాయి.
మెగాస్టార్ చిరంజీవికి ఆమధ్య ఏదో సినిమా ఫంక్షన్ లో కలిసినప్పుడు హీరో సంపూర్ణేష్ బాబు తన చిత్రం కొబ్బరిమట్ట టీజర్ చూపించాడట. ఆ టీజర్ ని చూసిన చిరంజీవి చాలా బాగుందని, కామెడిగా వుంటూ మంచి మెసెజ్ వుందని , డైలాగ్స్ రాసిన స్టీవెన్ శంకర్ చాలా డెప్ట్ తో ఈ డైలాగ్స్ రాసాడని. సంపూ మాడ్యులేషన్ చాలా మెచ్యురిటిగా వుందని ప్రశంశించారు. అంతేకాదు టీజర్ చూస్తున్నంతసేపు నవ్వుతూనే వుండటం విశేషం. ఆ తర్వాతే సంపూర్నేష్ బాబుకి కత్తిలాంటోడు టీం నుంచి పిలుపొచ్చిందత. ఇప్పటికే కొన్నిడైలాగ్స్ సంపూతో చేయించడం, అంతా ఓకే అయిందని, రేపోమాపో బర్నింగ్ స్టార్ సంపూ కత్తిలాంటోడు సెట్స్ పైకి వెళ్లడం ఖాయమంటున్నారు.
అయితే చిరు పక్కన ఉండే ఫ్రెండ్ గా కనిపించే సపోర్టింగ్ రోల్ కోసం కోసం ఇదివరకు అనుకున్న సునీల్, వెన్నెల కిషోర్ లని అనుకున్నా అది సాధ్య పడలేదు. ఈ పాత్రలో అలి ని తీసుకున్నారంటూ వార్తలు వచ్చాయి. మొదటి రోజు సెట్లో కూడా అలి కనిపించటం తో ఆ పత్ర అలికే అనుకున్నారంతా. మరి మధ్యలో ఏమైందీ అర్థం కాలేదు గా సడెంగా బర్నింగ్ స్టార్ లైన్లోకి వచ్చాడు. అయితే అలి కి ఇచ్చింది వేరే పాత్రా..? లేదంటే సంపూనే ఇంకో సపరేట్ ట్రాక్ లో కనిపించ బోతున్నాడా అనే అనుమానాలూ ఉన్నాయి. మరి ఏది నిజమో ఏది కాదో తెలియాలీ అంటే ఇంకొన్నాళ్ళాగాల్సిందే...