ప్రసవ వేదన, బోయపాటి హీట్ బన్నీని మింగలేదు: అరవింద్ వ్యాఖ్య

బోయ‌పాటి మాట్లాడుతూ...

నా చేతికి మైక్ టైస‌న్‌ని ఇస్తే అత‌నికి ఇంకా ఎక్కువ ఇన్‌పుట్స్ ఇచ్చి మంచి బాక్సింగ్ సినిమా చేస్తా. మైకిల్ జాక్స‌న్‌ని ఇస్తే మంచి డ్యాన్స్ సినిమా చేస్తా. నా హీరోకి ఏం కావాలో ఆ ఎలిమెంట్స్ ప్ర‌కారం చేస్తా. ఏ హీరోతో సినిమా చేస్తే ఆ జోన‌ర్‌లో చేస్తా. అంద‌రు హీరోల‌తో సినిమా చేయ‌డానికే నేను ప‌రిశ్ర‌మ‌కి వ‌చ్చాను అన్నారు.

బోయపాటి అలా అనడం వెనక..

సాధారణంగా బోయపాటి దర్శకత్వం అంటే ఈ సినిమా బన్నీ స్టైల్ లో ఉండదేమో.... సింహా, లెజెండ్ స్టైల్ లో ఉంటుందేమో అని అంతా భావిస్తున్నారు. అందుకే బోయపాటి ఈ విధంగా మాట్లాడారు.

గుండెల మీద చేయివేస్కోండి

వెనుక బ‌రువునంతా వేసుకుని నేను ఇంజిన్‌లాగా వెళ్తున్న‌ప్ప‌టికీ , నాకు ట్రాక్‌లాగా నిలిచి స‌పోర్ట్ చేసిన నిర్మాత‌ను మ‌ర్చిపోలేను. గుండెల‌మీద చెయ్యి వేసుకుని అంద‌రూ చూడ‌ద‌గ్గ చిత్ర‌మిది`` అని అన్నారు. బోయాపటి తన గత సినిమాల విషయంలోనూ ఇలానే గుండెల మీద చేయివేసుకోండి అంటూ వ్యాఖ్యానించారు. బహుషా ఇది బోయాపటి ఊత పదం ఏమో!

రకుల్ ప్రీత్ సింగ్ మాట్లాడుతూ

యాక్ష‌న్‌, ఎమోష‌న్ ఉన్న సినిమా ఇది. ఎమోష‌న్ అనే వెన్నెముక‌కు రొమాన్స్, డ్రామా, ఫ్యామిలీ వంటి అంశాల‌తో పూత వేశారు. చ‌క్క‌టి ఫ్యామిలీ ఎంట‌ర్‌టైన‌ర్‌. చిన్న డీటైల్స్ కూడా మిస్ కాకుండా ద‌ర్శ‌కుడు చెప్పేవారు. ఆయ‌న ఫిల్మ్ మేకింగ్ టెక్నిక్ గ్రేట్‌ అని రకుల్ తెలిపారు.

ఆది పినిశెట్టి మాట్లాడుతూ..

ఊర మాస్ ఓపెనింగ్స్ రానున్న సినిమా ఇది. మామూలుగా సినిమాప‌ట్ల ఎక్స్ పెక్టేష‌న్స్ పెరుగుతుంటే భ‌యం ఉంటుంది. కానీ ఈ సినిమా ప‌ట్ల నాకు అలాంటి భ‌యాలేమీ లేవు. హీరోగా చేస్తున్న నువ్వు విల‌న్‌గా ఎందుకు మారావు అని చాలా మంది అడుగుతున్నారు. వారంద‌రికీ ఈ సినిమా ఓ స‌మాధాన‌మ‌వుతుంది`` అని చెప్పారు.