Don't Miss!
- News మోదీ వలనే బంగారు రేటు పెరిగింది, ఐటీ అధికారులకు కళ్లు ఉన్నాయా, టీడీపీతో పొత్తు పెట్టుకుని ?
- Technology Infinix GT 20 Pro 5G డిజైన్ రెండర్లు లీక్ అయ్యాయి! స్పెసిఫికేషన్ల వివరాలు
- Sports అతని వల్లే RCB టైటిల్ చేజారింది- అనిల్ కుంబ్లే
- Finance Swiggy IPO: ఐపీఓగా రానున్న స్విగ్గీ..!
- Automobiles వందేభారత్ రైళ్లలో 1 లీటర్ వాటర్ బాటిల్ రద్దు.. రైల్వే శాఖ కీలక నిర్ణయం
- Lifestyle వేసవిలో మైగ్రేన్ తలనొప్పి ఎందుకు పెరుగుతుంది, లక్షణాలు, ఉపశమనం ఎలా పొందాలో తెలుసుకోండి
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
బాహుబలి: ఆమె రూ. 6 కోట్లు డిమాండ్ చేసిందట!
హైదరాబాద్: ‘బాహుబలి' సినిమాలో రమ్యకృష్ణ పోషించిన శివగామి పాత్ర సినిమాలో ఎంత ముఖ్యమైందో సినిమా విడుదలైన తర్వాత అందరికీ అర్థమైంది. ఆ పాత్రలో రమ్యకృష్ణ అభినయం అద్భుతం. అసలు ఆమె తప్ప ఆ పాత్రకు మరెవరూ న్యాయం చేయలేరనే రేంజిలో ఆమె పెర్ఫార్మెన్స్ అదరగొట్టారు.
వాస్తవానికి ఆ పాత్రకు ఆమె తొలి చాయిస్ కాదు. బాహుబలి సినిమా బాలీవుడ్లోనూ విడుదల చేస్తున్న నేపథ్యంలో రాజమౌళి ఆమె కంటే ముందు అక్కడి కథానాయికలను ఈ పాత్ర కోసం పరిశీలించారు. ఇందుకోసం సుస్మితా సేన్, శ్రీదేవిలను సమప్రదించారు. శ్రీదేవి ఈ పాత్ర కోసం రూ. 6 కోట్లు డిమాండ్ చేసిందట.
భారీ బడ్జెట్తో తెరకెక్కుతున్న ఈ సినిమా...శ్రీదేవికి రూ. 6 కోట్ల రెమ్యూనరేషన్ ఇవ్వడం పెద్ద విషయం ఏమీ కాదు. కానీ ఎందుకనో ఆమెను ఎంపిక చేయలేదు. చివరకు రమ్యకృష్ణను ఖరారు చేసారు. రమ్యకృష్ణ పెర్పార్మెన్స్ చూసిన తర్వాత.... ఒక వేళ శ్రీదేవి ఆ పాత్ర చేసి ఉంటే ఈ రేంజిలో పెర్ఫార్మెన్స్ ఇచ్చి ఉండేది కాదేమో అనే అభిప్రాయం పలువురిలో వ్యక్తం అవుతోంది.
ప్రభాస్, రానా, అనుష్క, తమన్నా, రమ్యకృష్ణ, సత్యరాజ్ ప్రధాన పాత్రలు పోషించిన ‘బాహుబలి' సినిమా బాక్సాఫీసు వద్ద కలెక్షన్ల వర్షం కురిపిస్తోంది. సినిమా విడుదలైన 5 రోజుల్లోనే దాదాపు 230 కోట్లకుపైగా వసూలు చేసింది. తెలుగు సినిమా రికార్డులన్నీ బద్దలు కొట్టి నెం.1 స్థానంలో నిలవడంతో పాటు బాలీవుడ్లో పలు రికార్డులను తుడిచి పెట్టింది. బాహుబలి వసూళ్ల ప్రభంజనం ఎన్ని వందల కోట్లు వసూలు చేస్తుందో ఊహించనంతగా సాగుతోంది.