Don't Miss!
- News అసెంబ్లీ ఎన్నికల పోలింగ్ షురూ: బారులు తీరిన ఓటర్లు
- Sports PBKS vs MI: అతను అసాధారణ బ్యాటింగ్తో భయపెట్టాడు: హార్దిక్ పాండ్యా
- Lifestyle గుడ్నైట్ సందేశాలను ఇలా సరదాగా పంపుకోండి..
- Technology 40 గంటలకు పైగా బ్యాటరీ బ్యాకప్, ChatGPT వాయిస్ AI సపోర్టుతో నథింగ్ ఇయర్బడ్స్ విడుదల.. సేల్ వివరాలు!
- Automobiles గొప్ప మనసు చాటుకున్న రాఘవ లారెన్స్.. దివ్యాంగులకు టీవీఎస్ స్కూటర్ల పంపిణీ
- Finance Market Closing: నష్టాల్లోకి జారుకున్న సెన్సెక్స్-నిఫ్టీ.. ఆ రెండిటిపైనే అందరి కన్ను..
- Travel ఒంటిమిట్ట శ్రీ కోదండరామస్వామి ఆలయంలో టీటీడీ అన్నప్రసాదం ప్రారంభం..
రజనీతో రాజమౌళి సినిమా తీస్తే.. ఆ చిత్ర రికార్డులు బద్దలు.. ఓ డైరెక్టర్ జోస్యం..
సినీ చరిత్రలో నిలిచిపోయే విధంగా రూపొందించిన బాహుబలి ప్రభంజనం ఒకవైపు కొనసాగుతుండగానే, మరోవైపు రాజమౌళి తీయబోయే సినిమా ఏంటనే విషయంపై చర్చ జోరుగా సాగుతున్నది. బ్రిటీష్ ఫిల్మ్ ఇనిస్టిట్యూట్లో బాహుబలి2 స్ప
సినీ చరిత్రలో నిలిచిపోయే విధంగా రూపొందించిన బాహుబలి ప్రభంజనం ఒకవైపు కొనసాగుతుండగానే, మరోవైపు రాజమౌళి తీయబోయే సినిమా ఏంటనే విషయంపై చర్చ జోరుగా సాగుతున్నది. ఈ చర్చ టాలీవుడ్, కోలీవుడ్లో జరిగే పెద్దగా పట్టించుకోవాల్సిందే కాదు. కానీ రజనీ, రాజమౌళి సినిమా అంశంపై అంతర్జాతీయంగా చర్చ జరుగుతున్నది. బ్రిటీష్ ఫిల్మ్ ఇనిస్టిట్యూట్లో బాహుబలి2 స్పెషల్ స్క్రీనింగ్ సందర్భాన్ని పురస్కరించుకొని లండన్కు వెళ్లిన రాజమౌళితో బీబీసీ మీడియా ప్రత్యేకంగా మాట్లాడింది. సూపర్ స్టార్ రజనీకాంత్తో సినిమా ఎప్పుడు చేస్తున్నారని అడిగిన మిలియన్ డాలర్ ప్రశ్నకు రాజమౌళి సమాధానం ఇచ్చింది ఇదే..
కల సాకారమే...
సినీ పరిశ్రమలో రజనీకాంత్ మంచి మానవత్వంతో కూడిన ఉన్నతమైన వ్యక్తి. ఇండియాలో ఆయన దిగ్గజ స్టార్. తెరమీద ఆయనను చూడటానికి ప్రేక్షకులు పడిచస్తారు. అంతటి క్రేజ్ ఉన్న రజనీకాంత్తో సినిమా తీయడం అనేది ఏ దర్శకుడికైనా సుదీర్ఘ కల సాకారం అవుతుందని చెప్పవచ్చు. అందుకు నేనేమీ మినహాయింపు కాదు అని రాజమౌళి అన్నారు.
అద్భుతమైన కథ ఉండాలి..
రజనీతో సినిమా తీయాలంటే అద్భుతమైన కథ ఉండాలి. కథతోనే ప్రేక్షకుడిని కట్టిపడేయవచ్చు అనే విషయాన్ని నేను నమ్ముతాను. రజనీకాంత్ స్థాయికి తగినట్టు ఏదైనా కథ ప్రేరణ కలిగితే తప్పకుండా సినిమా తీస్తాను. రజనీతో సినిమా చేయడమంటే నాకు చెప్పలేనంత ఇష్టం అని జక్కన్న అన్నారు.
రజనీతో సినిమా తీస్తే..
బాహుబలి2 ప్రమోషన్ సందర్భంగా ఇటీవల విద్యార్థులతో రాజమౌళి మాట్లాడుతూ.. రజనీకాంత్తో సినిమా తీస్తే పది రోజులపాటు డైలాగ్స్ వినిపించకుండా అరుపులు, ఈలలతో థియేటర్లను దద్దరిల్లిపోవాలి అని రాజమౌళి అన్నారు. బాహుబలి తర్వాత గరుడ అనే సినిమా మదిలో మెదలుతున్నదని రాజమౌళి హింటి ఇచ్చారు. ఒకవేళ గురుడ సినిమా ఒకే అయితే రజనీతో సినిమా తీసే అవకాశాలు కొట్టిపారేయలేమని అంటున్నాయి సినీ వర్గాలు.
అవతార్ రికార్డులు బ్రేక్..
రజనీకాంత్, రాజమౌళి కాంబినేషన్లో సినిమా గురించి మీడియాలో ఇటీవల వార్తలు ఎక్కువే అయ్యాయి. రజనీ, జక్కన్న సినిమా గురించి ప్రేమమ్ దర్శకుడు అల్ఫోన్సే పుత్రిన్ ఈ కింది విధంగా స్పందించాడు. ఒకవేళ రజనీ, రాజమౌళి సినిమా వస్తే ప్రపంచవ్యాప్తంగా అవతార్ బాక్సాఫీస్ రికార్డులు బద్ధలు కావడం ఖాయం అని అల్ఫోన్సే పుతిన్ అన్నారు.