కులం వల్లే ఎదిగావా? అన్నారు, చంపేస్తానన్నా: హీరో సునీల్ వివరణ

చెత్త ప్రశ్నలు

‘నీ మొహం ఎప్పుడైనా అద్దంలో చూసుకున్నావా?'... మిమ్మల్ని హీరోగా జనాలు ఎలా యాక్సెప్ట్ చేస్తారని అనుకున్నారు అంటూ యాంకర్ అడిగిన ప్రశ్నకు సునీల్ తీవ్రమైన అసహనానికి గురయ్యారు.

ఇంత దారుణంగా

అంతటితో ఆగని..... యాంకర్ నువ్వు పుట్టిన కులం వల్లే ఇంత పైకి వచ్చావా?' అంటూ మరో ప్రశ్న సంధించాడు. ఈ ప్రశ్నకు సునీల్ కోపం కట్టలు తెంచుకుంది. ఇలాంటి ప్రశ్నలు అడిగితే చంపేస్తా అని ఆ యాంకర్‌కు వార్నింగ్‌ కూడా ఇచ్చాడు సునీల్‌.

ఫేక్ ఇంటర్వ్యూ అంటూ ప్రచారం

అయితే కావాలనే ఇంటర్వ్యూలో ఇలాంటి వివాదాస్పద ప్రశ్నలు వేసారని.... పబ్లిసిటీ కోసం సునీల్, టీఆర్పీ రేటింగుల కోసం ఛానల్ వారు కుమ్మక్కయి ఈ ఇంటర్వ్యూను ముందే ప్లాన్ ప్రకారం ఇలా వివాదాస్పదంగా క్రియేట్ చేసారని ప్రచారం జరిగింది.

సునీల్ వివరణ

దీనిపై సునీల్‌ ఇప్పడు వివరణ ఇచ్చాడు. ‘అది ప్లాన్‌ ప్రకారం చేసింది కాదు. ఆ ప్రశ్నలకు నిజంగానే సీరియస్‌ అయ్యాను. ఇంటర్వ్యూ ముందే నాకు ఆ యాంకర్‌ చెప్పాడు.. ఈ ప్రోగ్రామ్‌లో రెగ్యులర్‌ ప్రశ్నలు కాదు.. కొంచెం స్ట్రాంగ్‌గా అడుగుతాను అని. మీ ప్రశ్నలను బట్టే నా సమాధానం ఉంటుంది అని చెప్పా... అందుకే నేను కోపంతో తిట్టినా వారు లైట్ తీసుకున్నారనే విధంగా సునీల్ చెప్పుకొచ్చారు.

స్టార్ హీరోలను ఇలా అడిగే వారా?

ఆ ఇంటర్వ్యూ తర్వాత సునీల్ కు అభిమానుల నుండి మద్దతు లభించింది. ఆ టీవీ ఛానల్ సునీల్ పట్ల అనుచితంగా ప్రవర్తించిందని, అదే చిరంజీవి లేదా అతని ఫ్యామిలీ హీరోలను, నందమూరి హీరోలను, కృష్ణ మహేష్ బాబు లాంటి స్టార్లను ఇలాంటి ప్రశ్నలు అడిగే వారా? అంత దమ్ము ఆ ఛానల్ కు ఉందా? అంటూ అప్పట్లో కొందరు ఘాటుగానే విమర్శించారు.