కృష్ణ వంశీ ‘నక్షత్రం’ మరో పోస్టర్.... బాబోయ్ ఇతడు విలనా?

నక్షత్రం మూవీలో తనీష్ లుక్

యువ నటుడు తనీష్ ఈ చిత్రంలో విలన్ గా కనిపించబోతున్నాడని తాజాగా విడుదలైన ఫస్ట్ లుక్ పోస్టర్ బట్టి స్పష్టమవుతోంది.

ప్రకాష్ రాజ్

కృష్ణ వంశీ సినిమాల్లో ప్రముఖ నటుడు ప్రకాష్ రాజ్ కు కీలకమైన పాత్రలు ఉంటాయి. ఈ సినిమాలో ప్రకాష్ రాజ్ పోలీస్ ఆఫీసర్ పాత్రలో కనిపించబోతున్నాడు.ఇక సందీప్ కిషన్ ఈ సినిమాలో ఓ కానిస్టేబుల్ గా కనిపించనున్నాడని తెలుస్తోంది. పోలీస్ అవ్వడమే ధ్యేయంగా ఎదిగిన ఓ కుర్రాడు మొదట కానిస్టేబుల్ గా తన కెరీర్ ను ఆరంభించి.. ఆ తర్వాత ఉన్నత స్థానానికి ఎదగడానికి ఎటువంటి సమస్యలు ఎదుర్కొన్నాడు అనేది "నక్షత్రం" చిత్ర కథాంశం అని తెలుస్తోంది!

సాయి ధరమ్ తేజ్

ఈ చిత్రంలో సాయి ధరమ్ తేజ్ అలెగ్జాండర్‌ పాత్రలో కనిపించనున్నాడు. అలెగ్జాండర్ అందరి మనసుల్ని దోచేస్తాడని సాయిధరమ్‌ తేజ్‌ ట్విట్టర్‌లో పేర్కొన్నారు. కృష్ణవంశీ దర్శకత్వంలో ఓ శక్తిమంతమైన పాత్రని పోషిస్తుండడం సాయిధరమ్‌ తేజ్‌ అదృష్టం అన్నారు రామ్‌చరణ్‌.

సందీప్ కిషన్

ఈ మూవీలో కొన్ని యాక్షన్ సన్నివేశాల్ని డూప్స్ లేకుండా చేసిన సందీప్ ఓ కార్ ఛేజింగ్ సన్నివేశాన్ని చేసేందుకు ఎలాంటి సెక్యూరిటీ కోరలేదట. ఇందులో కార్లన్నీ 150 కి. మీ వేగంతో వెళుతుంటే సందీప్ తన కారుతో వాటికి ఎదురుగా వెళతాడట. ఈ సన్నివేశం సినిమాలో హైలెట్ గా ఉంటుందని తెలుస్తోంది. ఇక కొన్ని సన్నివేశాలలో సందీప్ మేకప్ లేకుండానే కనిపిస్తాడని సమాచారం.

రెజీనా

అలాగే ఈ చిత్రంలో లంబాడీ పిల్ల గా రెజీనా కనిపించనుండగా.. ఆ పాత్రలో ఒదిగేలా స్పెషల్ కేర్ తీసుకుంటున్నాడు ఈ క్రేజీ డైరెక్టర్. ఏదేమైన మంచి కసితో ఈ సినిమా చేస్తోన్న కృష్ణవంశీ మంచి హిట్ కొడతాడని అంటున్నారు. ఇందులోని నటీనటులకు కూడా మంచి గుర్తింపు వస్తోందని అందరూ ఆసక్తిగా ఎదురుచూస్తున్నారు.