హోమ్

న్యూస్

హైదరాబాద్: రాజమౌళి దర్శకత్వంలో తెరకెక్కుతున్న ‘బాహుబలి' చిత్రం తెలుగు సినిమా చరిత్రలో గతంలో ఏ సినిమా ఏర్పచలేనంత ఆసక్తి ప్రేక్షకుల్లో వచ్చేలా చేసింది. ఆంధ్రప్రదేశ్, తెలంగాణ రాష్ట్రాకలో గతంలో ఏ సినిమా కూడా విడుదల కానన్ని థియేటర్లలో ఈ చిత్రం విడుదలవుతుండటం విశేషం. ప్రపంచ వ్యాప్తంగా ఈ చిత్రం వివిధ భాషల్లో 4000 థియేటర్లలో విడుదలవుతోంది.

సినిమా ఇప్పటికే అంచనాలకు మించి ప్రీ రిలీజ్ బిజినెస్ చేసింది. దాదాపు అన్ని థియేటర్లలో అడ్వాన్డ్స్ బుకింగ్ ఇస్తున్నారు. టికెట్స్ అన్ని ఇప్పటికే హాట్ కేకుల్లా అమ్ముడయి పోయాయి. ఈ నేపథ్యంలో ఓపెనింగ్స్ భారీగా ఉంటాయని ఆశిస్తున్నారు. ఆంధ్రప్రదేశ్, తెలంగాణ రాష్ట్రాల్లో ఈ చిత్రం తొలి రోజు కనీసం 15 కోట్లు ఈజీగా వసూలు చేస్తుందని అంచనా వేస్తున్నారు.

ఇతర ఏరియాల్లో 5 కోట్ల వరకు షేర్ వస్తుందని అంచనా. ఇక యూఎస్ఏ బాక్సాఫీసు వద్ద 800k నుండి 1 మిలియన్ డాలర్స్ వసూలు చేస్తుందని అంచనా. మరో వైపు ఈ చిత్రానికి కర్ణాటకలో ఈచిత్రానికి సంబందించిన టికెట్స్ రేట్లు పెంచారు. ఈ నేపథ్యంలో అక్కడ వసూళ్లు భారీగానే ఉండొచ్చని అంటున్నారు.

సినిమా సూపర్ హిట్ టాక్ వస్తే... తొలి వారం 65 కోట్ల వసూలు చేయొచ్చని అంటున్నారు. ఏది ఏమైనా ఈ చిత్రం గత రికార్డులను, అంచనాలను బద్దలు కొడుతూ తెలుగు సినిమా చరిత్రలో సరికొత్త చరిత్ర సృష్టించడం ఖాయం అని సినీ విశ్లేషకులు అంటున్నారు. బాహుబలి తెలుగు సినిమా పరిశ్రమ గర్వించే స్తాయిలో ఫలితాలు సాధించాలని ఆశిద్దాం.