‘బాబు బంగారమే’ కానీ....(రివ్యూ, రేటింగ్)

కట్ చేస్తే....

ఇన్ కం టాక్స్ ఆఫీసరైన శైలు తండ్రి (వి. జయప్రకాష్) తన సహోద్యోగిని హత్య చేసిన కేసులో పరారీలో ఉంటాడు. అతని కోసం ఇటు పోలీసులతో పాటు ఎమ్మెల్యే పుచ్చప్ప(పోసాని), మేయర్ కావాలని ఆశ పడుతున్న రౌడీ షీటర్(సంపత్ రాజ్) వెతుకుతుంటారు.

వెంకీ ఏం చేసాడు?

కృష్ణ తనకు దగ్గరవ్వడం వెనక పోలీస్ సీక్రెట్ ఆపరేషన్ ఉందని, హత్య కేసులో పరారీలో ఉన్న తన తండ్రిని అరెస్టు చేయడానికే కృష్ణ తనను ప్రేమించినట్లు నటించి మోసం చేసాడని అతన్ని చీదరించుకుంటుంది శైలు. మరి శైలును నిజంగానే ప్రేమించిన కృష్ణ మళ్లీ ఆమెకు ఎలా దగ్గరయ్యాడు? కృష్ణ ఇన్వెస్టిగేషన్లో తేలిన నిజాలేమిటి? అనేవి తెలియాలంటే సినిమా పూర్తిగా చూడాల్సిందే.

పెర్ఫార్మెన్స్ విషయానికొస్తే...

వెంకటేష్ పెర్ఫార్మెన్స్, నయనతార అందం ఈ సినిమా హైలెట్. పోలీసాఫీర్ పాత్రలో వెంకీ లుక్స్ సూపర్బ్. నయనతార తన అందంతో పాటు, పెర్ఫార్మెన్స్ తో ఆకట్టుకుంది. ఓ వైపు కామెడీ పండిస్తూనే తనదైన స్టైల్ లో సీరియస్ గా సీరియస్ గా కథలో ఇన్వాల్వ్ అవ్వడం ఆకట్టుకుంటుంది.

కామెడీ, విలనిజం

కామెడీ విషయానికొస్తే ఫస్టాఫ్ లో బత్తాయికాల బాబ్జీ పాత్రలో పృథ్వి మరోసారి తనదైన మేనరిజంతో అదరగొట్టాడు. వెంన్నెల కిషోర్ ఓకే. సెకండాఫ్ లో బ్రహ్మానందం కాసేపు ఎంట్రీ ఇచ్చినా పెద్దగా నవ్వులు పండలేదు. కామెడీ విలన్ పాత్రలో పోసాని కృష్ణ మురళి మరోసారి తనదైన మార్క్ చూపించారు. రౌడీ షీటర్ గా సంపత్ రాజ్, ఫిష్ వెంకట్ తదితరులు ఫర్వాలేద.

కథ, స్క్రీన్ ప్లే విషయానికొస్తే...

ఈ సినిమాకు పెద్ద మైనస్ కథే. నాగార్జున నిర్ణయం సినిమా కథలోనే కొన్ని మార్పులు చేసారంతే. కొత్తదనం లేక రొటీన్ గా ఉండటంతో పెద్దగా ప్రేక్షకుల్లో ఆసక్తి లేకుండా పోయింది. కనీసం స్క్రీన్ ప్లే తో అయినా దర్శకుడు ప్రేక్షకుడిలో సినిమాపై ఆసక్తి పెంచాడా అంటే అదీ లేదు. ఫస్టాఫ్ వెంకీ స్టైల్ లో నాలుగు కామెడీ సీన్లు, ఫారిన్ లొకేషన్లలో పాటలతో నింపేసాడు కాబట్టి ప్రేక్షకులు కాస్త ఎంజాయ్ చేసారు. ఇక సెకండాఫ్ వచ్చేసరికి సాగదీసినట్లు ఉండే కథనం, బోరింగ్ సీన్లతో ప్రక్షకుల మూడ్ చేంజ్ అయింది. సినిమా ఇంకా ఎప్పుడు అయిపోతుందనే ఫిలింగ్ కలిగించారు. దర్శకత్వం విషయాన్ని తప్పుబట్టలేం కానీ...కథ, స్క్రీన్ ప్లే విషయంలో మారుతి ప్రేక్షకులను పూర్తి స్థాయిలో మెప్పించలేక పోయాడు.

టెక్నికల్ అంశాల విషయానికొస్తే..

రిచర్డ్ ప్రసాద్ సినిమాటోగ్రఫీ బావుంది. ముఖ్యంగా పాటల చిత్రీకరణ చేసిన తీరు ప్రేక్షకుల్లో మంచి ఫీల్ కలిగించింది. జిబ్రాన్ సంగీతం, బ్యాగ్రౌండ్ స్కోర్ ఫర్వాలేదు. సినిమా నిర్మాణ విలువలు బావున్నాయి. ఎడిటింగ్ చేసిన ఉద్ధవ్ ఎస్.బి సినిమాలో కొన్ని అనవసర సీన్లు తొలగిస్తే బావుండేది.

చివరగా...

సినిమాలో ఆసక్తికర అంశాలే ఏమీ లేవు. కేవలం టైమ్ పాస్ కోసం అయితే ఓకే. అది కూడా ఫస్టాఫ్ వరకు మాత్రమే. ట్రైలర్ చూసి సినిమా బొబ్బిలి రాజా రేంజిలో ఉంటుందని ఊహించుకుని వెళితే నిరాశ తప్పదు.

బాబు బంగారం

బ్యాన‌ర్‌: సితార ఎంట‌ర్‌టైన్‌మెంట్స్‌
స‌మ‌ర్ప‌ణ‌: ఎస్‌.రాధాకృష్ణ (చిన‌బాబు)
న‌టీన‌టులు: విక్ట‌రీ వెంక‌టేష్‌, న‌య‌న‌తార, బ్ర‌హ్మ‌నందం, పోసాని కృష్ణ ముర‌ళి, పృథ్వి, జ‌య‌ప్ర‌కాష్‌, ర‌ఘుబాబు త‌దిత‌రులు
సంగీతం: జిబ్రాన్‌
సినిమాటోగ్ర‌ఫీ: రిచ‌ర్డ్ ప్ర‌సాద్‌
ఎడిట‌ర్‌: ఉద్ద‌వ్‌.ఎస్‌.బి
నిర్మాత‌లు: సూర్య‌దేవ‌ర నాగ‌వంశీ-పీడీవీ.ప్ర‌సాద్‌
క‌థ‌-స్ర్కీన్ ప్లే - ద‌ర్శ‌క‌త్వం: మారుతి
సెన్సార్ రిపోర్ట్‌: యూ/ఏ