Don't Miss!
- Finance IREDA: భారీగా లాభాలను ప్రకటించిన ఐఆర్ఈడీఏ..
- Sports సూపర్ మ్యాన్ జడేజా: గాల్లోకి డైవ్ చేస్తూ ఒంటిచేత్తో క్యాచ్ Video
- Automobiles మరింత తక్కువ ధరలో బజాజ్ చేతక్ ఇ స్కూటర్.. త్వరలో లాంచ్.!!
- Technology Dell నుంచి నాలుగు కొత్త Ai ల్యాప్టాప్లు! ధర,స్పెసిఫికేషన్లు
- News భారీ వర్షం - వాతావరణ శాఖ బిగ్ అలర్ట్..!!
- Lifestyle వేసవిలో కిడ్నీలు భద్రంగా ఉండాలంటే రోజూ ఎన్ని గ్లాసుల నీళ్లు తాగాలో తెలుసా?
- Travel తెలంగాణలోని గొంతెమ్మగుట్ట సందర్శనకు బయలుదేరుదామా..?
సినిమాని బ్యాన్ చేయండంటూ, బ్రాహ్మణుల పిటీషన్
చెన్నై: హిందువుల మనోభావాలు గాయపరిచేలా సన్నివేశాలు చోటుచేసుకున్న 'పిచ్చైక్కారన్' సినిమాను నిషేధించాలని తమిళనాడు అందనర్ మున్నేట్ర సంఘం డిమాండ్ చేసింది. అంతేకాదు చెన్నైలోని బ్రాహ్మణుల అశోశియేషన్ సైతం చెన్నై పోలీస్ కమీషనర్ కు పిటీషన్ అందించారు.
చిత్రంలో... 'పిచ్చైక్కారన్' చిత్రంలో హిందువుల మనోభావాలను గాయపరిచే విధంగా గాయత్రీ మంత్రాన్ని వాడుకున్నారని, ఆలయం బయట ఉండేవారు బిచ్చగాళ్లు, ఆలయంలో ఉండేవారూ బిచ్చగాళ్లు అనే విధంగా సంభాషణలు, సన్నివేశాలను చిత్రీకరించారని తెలిపారు.
హిందువుల మనోభావాలను దెబ్బతీసేలా ఉన్న ఈ చిత్రాన్ని నిషేధించాలని ఆ వినతిపత్రంలో కోరారు. నగర పోలీసుకమిషనరు కార్యాలయంలో ఆ సంఘం ప్రధాన కార్యదర్శి గురు విజయ్శర్మ అధ్యక్షతన పదిమంది నిర్వాహకులు ఓ వినతిపత్రం అందించారు.
పిచ్చైక్కారన్ చిత్రం ఏకంగా వినోదపు పన్ను మినహాయింపు అర్హతను పొందడం విశేషం అనే చెప్పాలి. సాధారణంగా మంచి సందేశంతో కూడిన అతి కొద్ది చిత్రాలకే ప్రభుత్వం వినోదపు పన్నును రద్దు చేస్తుంది.అలాంటిది కమర్షియల్ అంశాలతో కూడిన పిచ్చైక్కారన్ చిత్రం ఈ కేటగిరీలో చేరడం చెప్పకోదగ్గ విషయం.
సంగీత దర్శకుడు విజయ్ఆంటోనీ హీరోగా నటించి, సంగీతాన్ని అందించి తన విజయ్ఆంటోని ఫిలిం కార్పొరేషన్ పతాకంపై నిర్మించిన చిత్రం పిచ్చైక్కారన్. డిష్యుం చిత్రంతో విజయ్ఆంటోనిని సంగీత దర్శకుడిగా పరిచయం చేసిన శశి ఈ చిత్రానికి దర్శకుడు.