Don't Miss!
- Lifestyle ఇవి తింటే మీ జుట్టు చాలా బలంగా మారుతుంది.. బట్టతల కూడా రాదు..
- News Lok Sabha Election 2024: 102 సీట్లలో తొలి దశ పోలింగ్ పూర్తి- దాదాపు 60 శాతం ఓటింగ్..!
- Technology రియల్మి ప్యాడ్ 2 వైఫై వేరియంట్ సేల్ ప్రారంభం.. రూ.2000 తగ్గింపు.. ఆఫర్ కొన్నిరోజులు మాత్రమే..!!
- Sports SRH playing XI: అతనిపై వేటు..ఢిల్లీతో ఆడే తుదిజట్టు ఇదే
- Automobiles ఈవీ ఓనర్లకు Google Maps గుడ్ న్యూస్.. ఇకపై మీకు ఈ టెన్షన్ ఉండదు.!!
- Travel తెలంగాణలోని గొంతెమ్మగుట్ట సందర్శనకు బయలుదేరుదామా..?
- Finance Market Closing: మార్కెట్లను వీడిన నిరాశ మేఘాలు.. లాభాల్లో ముగిసిన సెన్సెక్స్-నిఫ్టీ..
నయనతార కారుకి దెయ్యం పట్టిందిట, వెంటాడి వేధిస్తోందిట
దెయ్యం పట్టిన కారుతో నయనతార పడే తిప్పలే డోరా సినిమా కథ అంటున్నారు.
చెన్నై : గతంలో ఆత్మ ఆవహించిన కారు కాన్సెప్టుతో తెలుగులో 'కారు దిద్దిన కాపురం' అనే సినిమా వచ్చి విజయవంతం అయ్యింది. ఇప్పుడు అలాగే..దెయ్యం పట్టిన కారుని మనం చూడబోతున్నాం. అయితే ఆ కారు ఎవరిదీ అంటే...నయనతార ది. దెయ్యం పట్టిన కారుతో నయనతార పడే తిప్పలే కథ అంటున్నారు. ఇంతకీ ఏ సినిమా గురించి నేను మాట్లాడుతున్నానో అర్దం కాకపోతే క్రింద మ్యాటర్ చదవండి మరి.
సినీ పరిశ్రమలోకి వచ్చి ఏళ్లు గడుస్తున్న కొద్దీ విజయాలు అందుకుంటూ మరింత ఉత్సాహంగా ముందుకు సాగుతోంది కేరళకుట్టి నయనతార. ఇటీవల హర్రర్, థ్రిల్లర్ కథాంశంతో రూపుదిద్దుకున్న 'మాయ'లో తన నటనతో అన్ని వర్గాల ప్రేక్షకులను అలరించింది. ఇప్పుడు అదే తరహాలోని దెయ్యం కథతో రూపొందుతున్న 'డోరా'లో ఆమె నటిస్తోంది. దర్శకుడు సర్గుణం ఈ చిత్రానికి నిర్మాత. ఆయన సహాయకుడు దాస్ రామస్వామి దర్శకుడిగా పరిచయం అవుతున్నారు.
వివేక్ మెర్విన్ సంగీతం అందిస్తున్నారు. సినిమాటోగ్రాఫర్గా దినేష్కృష్ణన్ వ్యవహరిస్తున్నారు. ఇప్పటికే షూటింగ్ పూర్తయినట్లు సమాచారం. ప్రస్తుతం నేపథ్య సంగీతానికి సంబంధించిన పనులు కొనసాగుతున్నాయి.
డోరా సినిమాలో దెయ్యం ఎవరనేది ఆసక్తికరంగా మారింది. నయనతారే ఆ పాత్రలో నటిస్తున్నట్లు ఇటీవల వార్తలొచ్చాయి. అందులో వాస్తవం లేదని తాజా సమాచారం. ఈ చిత్రంలో కారే దెయ్యమట. అందులో వెళ్లిన ఆమె ఎదుర్కొనే సమస్యలు... ఆ తర్వాత తెలుసుకున్న కొన్ని నిజాలే ఆసక్తికరంగా ఉంటాయని తమిళ సిని వర్గాల సమాచారం. ఫిబ్రవరిలో ఈ సినిమాను విడుదల చేయనున్నారు.