Don't Miss!
- News జగన్ సంచలనం..వైఎస్ భారతికి కీలక బాధ్యతలు
- Technology OnePlus Watch 2 వన్ప్లస్ వాచ్ 2 కొత్త వేరియంట్ విడుదల.. ధర, సేల్ పూర్తి వివరాలు..!
- Sports SRH vs RCB: అందుకే వాషింగ్టన్ సుందర్పై వేటు వేసాం: ప్యాట్ కమిన్స్
- Lifestyle పాలలో తామరవిత్తనాలు కలుపుకొని తాగితే ఇన్ని ప్రయోజనాలుంటాయా..?
- Finance Jio Cinema Premium: నెలకు 29లతో జియో ప్రీమియం..
- Automobiles వందేభారత్ రైళ్లలో 1 లీటర్ వాటర్ బాటిల్ రద్దు.. రైల్వే శాఖ కీలక నిర్ణయం
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
రిలీజైన 35 ఏళ్లకు తమిళంలోకి డబ్బింగ్
చెన్నై : దాదాపు 35 ఏళ్ల కిందట విడుదలైన సంగీత, దృశ్య భాండాగారం 'శంకరాభరణం'. కె.విశ్వనాథ్ దర్శకత్వం వహించగా ఏడిద నాగేశ్వరరావు నిర్మించారు. కె.విశ్వనాథ్, జంధ్యాల కలసి మాటలు రాశారు. తెలుగు కీర్తిపతాకాన్ని నేటికీ రెపరెపలాడిస్తోంది ఈ సినిమా. తెలుగు ప్రేక్షకులను మాత్రమే కాకుండా దేశవిదేశాల్లో సంగీత ప్రియులను ఓలలాడించిన ఈ చిత్రం ప్రస్తుతం డిజిటల్ రూపంలో తమిళంలో అనువాదం అవుతోంది.
ఈ చిత్ర ఆడియో విడుదల కార్యక్రమం ఆ మధ్యన చెన్నైలోని ఆర్కేవీ స్టూడియోలో జరిగింది. కార్యక్రమంలో కె.విశ్వనాథ్, ఏడిద నాగేశ్వరరావు, గాయకులు ఎస్పీ బాలసుబ్రమణ్యం తదితరులు పాలుపంచుకున్నారు. ఈ సినిమాను వచ్చే నెలలో విడుదల చేస్తున్నారు.
ఇక ఈ చిత్రాన్ని అత్యాధునిక సాంకేతిక పరిజ్ఞానంతో డిజిటలైజ్ చేసి, 5.1 సౌండ్ సిస్టమ్ హంగులద్దారు. కలర్ కరెక్షన్ చేసి సినిమాను స్కోప్లోకి మార్చారు. రీ-రికార్డింగ్ కూడా పాత నోట్స్ తోనే కొత్త ఫార్మాట్ లో అందిస్తున్నారు. ఈ చిత్రరాజాన్ని మరింత ద్విగుణీకృతం చేసేందుకు ఆధునిక సాంకేతిక పరిజ్ఞానాన్ని వినియోగించారు. దాదాపు ఏడాది కష్టపడి ఈ చిత్రానికి సరికొత్త వన్నెలు అద్దారు.
కె.విశ్వనాథ్ దర్శకత్వంలో పూర్ణోదయా మూవీ క్రియేషన్స్ పతాకంపై ఏడిద నాగేశ్వరరావు నిర్మించిన ఈ సినిమా అప్పట్లో నాలుగు జాతీయ అవార్డులు గెల్చుకుంది. గతంలో ‘శంకరాభరణం' తెలుగు వెర్షనే తమిళనాట సిల్వర్ జూబ్లీ ఆడింది. మరి ఈ తమిళ వెర్షన్ ఏ స్థాయిలో ఆకట్టుకుంటుందో చూడాలి. ఈ డిజిటల్ వెర్షన్ని తెలుగులో కూడా విడుదల చేసే యోచనలో ఉన్నారు ఏడిద నాగేశ్వరరావు.