హోమ్

Tamil

చెన్నై: తమిళ సూపర్ స్టార్ సూర్య హీరోగా హరి దర్శకత్వంలో రూపొందిన 'సింగం 3' సినిమా, సంక్రాంతి పండుగకి ముందే విడుదల కావలసి వుంది. అయితే కొన్ని కారణాల వలన విడుదల తేదీ వాయిదా పడింది. తెలుగు .. తమిళ భాషల్లో ఈ సినిమాను ఈ నెల 26వ తేదీన విడుదల చేస్తున్నట్టుగా ప్రకటించారు.

అయితే ప్రస్తుతం తమిళనాడులో 'జల్లికట్టు' విషయంపై వాతావరణం ఉద్రిక్తంగా వుంది. తమిళ ప్రజలందరి దృష్టి ఆ సమస్యపైనే వుంది. ఈ నేపథ్యంలో ఈ సినిమా విడుదల వాయిదా పడే ఛాన్స్ ఉందంటూ మీడియాలో ప్రచారం మొదలైంది. ఈ విషయంపై తాజాగా దర్శక నిర్మాతలు ట్విట్టర్ లో స్పందించారు.

'సింగం 3' సినిమా విడుదల వాయిదా పడనుందంటూ జరుగుతోన్న ప్రచారంలో ఎంతమాత్రం నిజం లేదని చెప్పారు. ముందుగా చెప్పినట్టుగా ఈ సినిమాను ఈ నెల 26వ తేదీనే విడుదల చేస్తున్నామని అన్నారు. ప్రస్తుతం వున్న పరిస్థితుల్లో తమిళనాట ఈ సినిమాకి ఏ స్థాయి ఆదరణ లభిస్తుందో చూడాలంటున్నారు ట్రేడ్ ఎనాలసిస్ట్ లు. అయితే తెలుగు నిర్మాత మాత్రం వాయిదా వేస్తున్నామంటూ నిన్న మీడియాకు ఇఛ్చిన ప్రకటన అందరినీ కన్ఫూజన్ లో పడేస్తోంది.

సూర్య , శ్రుతిహ‌స‌న్‌, అనుష్క‌లు జంట‌గా నటిస్తున్న చిత్రం "S3-య‌ముడు-3". ఈ చిత్రానికి హ‌రి ద‌ర్శ‌కుడు. ఈ చిత్రాన్నిస్టూడియో గ్రీన్‌ పతాకంపై కె.ఇ.జ్ఞానవేల్‌రాజా స‌గ‌ర్వంగా స‌మ‌ర్పిస్తూ తెలుగులో సురక్ష్ ఎంటర్‌టైన్‌మెంట్స్ అధినేత మల్కాపురం శివకుమార్‌ నిర్మిస్తున్నారు.

ఈ సందర్భంగా నిర్మాత‌ మల్కాపురం శివకుమార్ మాట్లాడుతూ.. త‌మిళ‌, తెలుగు బాష‌ల్లో ఈనెల 26 న విడుద‌ల కావ‌ల‌సిన "S3-య‌ముడు-3 చిత్రం విడుద‌ల వాయిదా వేశాము. తెలుగు, త‌మిళ భాష‌ల్లో ఏక‌కాలంగా విడుద‌ల చేయ‌టానికి ప్లాన్ చేసిన ఈ చిత్రం ప్ర‌స్తుతం జ‌ల్లిక‌ట్టు నేప‌ధ్యంలో త‌మిళ‌నాట కొన‌సాగుతున్న ప‌రిస్థితుల్ని గ‌మ‌నించి, ఇది విడుద‌ల‌కి స‌రియైన స‌మ‌యం కాద‌ని త‌ల‌చి ఈ నిర్ణ‌యం తీసుకొవ‌టం జ‌రిగింది అన్నారు.

డైర‌క్ట‌ర్ హ‌రి గారు , సూర్య గారి కాంబినేష‌న్ లో వ‌చ్చే చిత్రం కొసం తమిళ‌, తెలుగు ప్రేక్షుకులు ఏ విధంగా ఎదురుచూస్తుంటారో అంద‌రికి తెలుసు.. కాని ప‌లు కార‌ణాల వ‌ల‌న ఈ చిత్రం విడుద‌లని ఏప్ప‌టిక‌ప్ప‌డు వాయిదా వేసుకుంటూ వ‌స్తున్నాం. రెండు రాష్ట్రాల్లో అన్ని ప‌రిస్థితులు అనుకూలంగా వున్న టైంలో చిత్రాన్ని విడుద‌ల చేస్తాం. మా త‌దుప‌రి విడుద‌ల తేది ని అతిత్వ‌ర‌లో తెలియ‌జేస్తాం.. అని నిర్మాత తెలిపారు.