హోమ్

Tamil

చెన్నై: ప్లీజ్ ..మీ నెంబర్ నాకు మెసేజ్ పెట్టండి అంటూ త్రిష, హన్సిక తన స్నేహితులను, సన్నిహితులను రిక్వెస్ట్ చేస్తూ ట్వీట్ చేసిన సంఘటన అందరి దృష్టి వీరిపైకి మళ్ళింది. హఠాత్తుగా వీరికేం జరిగింది..ఎందుకిలా రిక్వెస్ట్ చేస్తున్నారు అంటే క్రింద కథనం చదవాల్సిందే.

ఈ రోజున తిండి,తిప్పలు ఎలా ఉన్నా ఫోన్ నెంబర్స్ మెయిన్ అయ్యిపోయాయి. ఎందుకంటే ప్రపంచం మొత్తం తెల్లారి లేస్తే ఎవరో ఒకరి ఫోన్ కాల్ తో మొదలవుతోంది. అలాగే పడుకునేటప్పుడు ఎవరో ఒకరితో మాట్లాడే నిద్రపోతున్నారు. ఇలా జీవితం మొత్తం పెనవేసుకుపోయిన ఫోన్ నెంబర్లు డిలేట్ అయితే, ప్రాణం ఏమీ పోదు. కానీ మళ్లీ వాటిని సంపాదిచటం , తిరిగి వాటిని యాడ్ చేసుకోవటం పెద్ద పని. మనకే ఇలా అనిపిస్తే ఇక సెలబ్రెటీల పరిస్దితి ఏమిటి.

ప్రస్తుతం హాట్ హీరోయిన్స్ త్రిషకూ, హన్సికకూ అదే ఎదురైంది. ఈ ఇద్దరి ఫోన్లను ఎవరో హ్యాక్ చేశారు. ఫోన్‌లో ఉన్నవన్నీ చెరిపేసి.. మొత్తం ఖాళీ చేసేశారు. మొదట ఈ విషయాన్ని వివరిస్తూ త్రిష ట్వీట్ చేసింది.

My tweeps n friends who know my number,pls whatsapp yours and your name to me coz a certain jobless coward hacked n wiped my phone clean.

— Trisha Krishnan (@trishtrashers) November 20, 2016

''ఎవరో పనిలేనివాళ్లు నా ఫోన్‌లో ఉన్న డేటానంతా చెరిపేశారు.అందుకని నా ఫోన్ నంబర్ తెలిసిన సన్నిహితులు, శ్రేయోభిలాషులందరూ మీ పేరుతో మీ ఫోన్ నంబర్ జతచేసి నా ఫోన్‌కి మెసేజ్ పెట్టగలరు'' అని త్రిష పేర్కొన్నారు.

You are best dealt with by cybercrime officials and karma . N amused to know I matter this much :)

— Trisha Krishnan (@trishtrashers) November 20, 2016

ఇక ఈ విషయమై తను సైబర్ క్రైమ్ సెల్ కు వెళ్లినట్లుగా ఆమె తెలియచేసారు. సైబర్ క్రైమ్ వాళ్ళు ఈ విషయమై ఎంక్వైరీ చేస్తున్నట్లు తెలిసింది. త్వరలోనే వీరి ఫోన్ లను హ్యాక్ చేసినవారి ని పట్టుకునే ఉన్నట్లు సమాచారం.

ఇక త్రిష ట్వీట్ వచ్చిన కొద్ది సేపటికే ..హన్సిక... ''నా ఫోన్ పరిస్థితి కూడా ఇదే. అందుకని నాక్కూడా మెసేజ్ పెట్టగలరు'' అని విన్నవించుకున్నారు.

And the same has happened to me !!! Grr. Guys please revert with your name at the end of your text . https://t.co/XwNoH2pLYo

— Hansika (@ihansika) November 20, 2016

ఇలా హ్యాక్ చేసి వీళ్లకు సమస్యలు తెచ్చిపెట్టినవాళ్లు త్వరలోనే సమస్యలు పాలు అవుతారని , అభిమానులు వీళ్లిద్దరినీ ఓదారుస్తున్నారు. మొత్తానికి ఇద్దరు హీరోయిన్స్ కు ఒకే సమస్య, ఒకేసారి రావటంతో తమిళనాట చర్చనీయాంశంగా మారింది.