Lenin 8 Days Box Office: అఖిల్ కెరీర్‌లోనే హయ్యెస్ట్‌ కలెక్షన్లు.. లెనిన్ మూవీకి ఎన్ని కోట్ల లాభమంటే?

ఇక ఈ సినిమా కలెక్షన్ల విషయానికి వస్తే.. ఇండియాలో ఈ చిత్రం భారీగా వసూళ్లను రాబట్టింది. తెలుగు రాష్ట్రాల్లో 37 కోట్ల రూపాయల నెట్, కర్ణాటకలో 4 కోట్ల రూపాయల నెట్ వసూళ్లను రాబట్టింది. ఇతర రాష్ట్రాల్లో 1.5 కోట్ల రూపాయల నెట్ వసూళ్లను రాబట్టింది. దాంతో ఈ చిత్రం 42.5 కోట్ల రూపాయల నెట్ వసూళ్లను ఇండియాలో వసూలు చేసింది.

ఇక ఓవర్సీస్ విషయానికి వస్తే.. నార్త్ అమెరికాలోను, ఇతర దేశాల్లోను శ్లోకా ఎంటర్‌టైన్‌మెంట్ ఈ సినిమాను విడుదల చేసింది. ఈ చిత్రం నార్త్ అమెరికాలో 725K డాలర్లు, ఇతర దేశాల్లో కలిపి 990K డాలర్లు వసూలు చేసింది. ఇండియన్ కరెన్సీలో 9.5 కోట్ల రూపాయలు రాబట్టింది. దాంతో ఈ చిత్రం వరల్డ్ వైడ్‌గా తొలివారం 52 కోట్ల రూపాయల నెట్ వసూళ్లను నమోదు చేసింది అని ట్రేడ్ వర్గాలు వెల్లడించాయి.

లెనిన్ చిత్రం వరల్డ్ వైడ్ సాధించిన కలెక్షన్ల వివరాల్లోకి వెళితే.. ఈ చిత్రం తొలి రో జు 16.7 కోట్ల రూపాయల గ్రాస్, రెండో రోజు 14.7 కోట్ల గ్రాస్, మూడో రోజు 29.8 కోట్లు, నాలుగో రోజు 6.1 కోట్ల రూపాయలు, ఐదో రోజు 4.75 కోట్ల గ్రాస్, ఆరో రోజు 4 కోట్లు, 7వ రోజు 2.5 కోట్ల రూపాయల గ్రాస్ వసూలు చేసింది. దాంతో ఈ చిత్రం 6 రోజుల్లో 78 కోట్ల రూపాయల గ్రాస్ కలెక్షన్లను నమోదు చేసింది అని అన్నపూర్ణ స్టూడియోస్, సితారా ఎంటర్‌టైన్‌మెంట్ అధికారికంగా ప్రకటించింది.

ఇక 8వ రోజు లెనిన్ కలెక్షన్ల విషయానికి వస్తే.. లేటేస్ట్ సినిమా రిలీజ్ కారణంగా ఈ చిత్రం వసూళ్లు భారీగా తగ్గుముఖం పట్టాయి. ఈ చిత్రం సుమారుగా రెండో శుక్రవారం 1.5 నుంచి 2 కోట్ల రూపాయల గ్రాస్ వసూళ్లను రాబట్టే అవకాశం ఉంది అని ట్రేడ్ వర్గాలు వెల్లడిస్తున్నాయి. నిర్మాతల లెక్క ప్రకారం.. ఈ సినిమా 80 కోట్ల మేర వసూళ్లను సాధించే అవకాశం ఉంది. ఈ సినిమా ఇప్పటికే అన్ని ప్రాంతాల్లోను బ్రేక్ ఈవెన్ సాధించి లాభాల్లో కొనసాగుతున్నది. ఈ చిత్రం ఇప్పటి వరకు 5 కోట్లకుపైగా లాభాలతో కొనసాగుతుందని తెలిపారు.