గ్లామర్ డోసు పెంచేసిన అవికా గోర్... లిక్కర్ షాపులో మత్తెక్కించేలా అందాల విందు!

చిన్నారి పెళ్లికూతురిని హీరోయిన్‌ని చేసిన ఘనత టాలీవుడ్‌దే. తెలుగు గడ్డపై నుంచే ఆమె హీరోయిన్‌గా తన ప్రస్థానం ప్రారంభించారు. 2013లో రాజ్ తరుణ్‌కి జంటగా ఉయ్యాల జంపాల సినిమాలో హీరోయిన్‌గా నటించింది. ఆ వెంటనే లక్ష్మీ రావే మా ఇంటికి, సినిమా చూపిస్తా మావా, తను నేను, ఎక్కడికి పోతావు చిన్నవాడా, రాజు గారి గది 3, నెట్, బ్రో, టెన్త్ క్లాస్ డైరీస్, థ్యాంక్యూ, పాప్‌కార్నర్, ఉమాపతి, షణ్ముఖ వంటి వంటి తెలుగు సినిమాలలో నటించారు. హీరోయిన్‌గానే కాకుండా పాప్‌కార్న్ సినిమాకు నిర్మాతగానూ వ్యవహరించారు. సినిమాలు చేస్తున్నప్పటికీ సీరియల్స్‌ను మాత్రం ఆమె విడిచిపెట్టలేదు.

అయితే హీరోయిన్‌గా అనుకున్న స్థాయిలో అవికా గోర్ సక్సెస్ కాలేదు. చిన్నా చితకా హీరోలు తప్పించి బడా హీరోల పక్కన నటించే అవకాశం ఆమెకు దక్కలేదు. ఇటీవల తెలుగులో వచ్చిన అగ్లీ స్టోరీపై గంపెడాశలు పెట్టుకున్నప్పటికీ ఈ సినిమా ఆశించిన స్థాయిలో హిట్ కాలేదు. ఇక అవిక వ్యక్తిగత జీవితానికి వస్తే... మిళింద్ చద్వానీ అనే వ్యక్తితో ప్రేమలో పడింది. ఓ కామన్ ఫ్రెండ్ ద్వారా ఇద్దరికీ పరిచయం ఏర్పడి అది ప్రేమగా మారింది. దాదాపు 7 ఏళ్ల పాటు వీరిద్దరూ డేటింగ్ చేశారు. అనంతరం పెద్దల అంగీకారంతో గతేడాది సెప్టెంబర్ 30న అవికా- మిళింద్‌లు వివాహ బంధం ద్వారా ఒక్కటయ్యారు.