జానకి మరణంతో.. మీ కళ్లు చల్లబడ్డాయా? గాయని సుశీల షాకింగ్ వీడియో

పీ సుశీల వీడియోను రిలీజ్ చేసి.. సంగీత ప్రపంచంలో జానకీ గారు పర్వతం లాంటి వారు. తన కెరీర్‌లో సంగీత ప్రపంచాన్ని తన ప్రతిభతో గడగడలాడించింది. ఆమెను దెబ్బ మీద దెబ్బ కొట్టి ఈ లోకం నుంచి తీసుకెళ్లారు. ఆమె ఎన్ని రకాలుగా పాడుతుందో ఎవరూ ఊహించలేదు. ఆమె నాకంటే గొప్ప గాయని. అందుకే నా కంటే ముందే అవార్డు ఇచ్చారు. నా జీవితంలో అది మరిచిపోలేనిది. మనం తెలియకుండానే పుడుతాం.. తెలియకుండానే ఆగిపోతాం అని సుశీల ఆవేదన వ్యక్తం చేశారు.

జానకి లాంటి గాయని మళ్లీ పుట్టలేరు. ఆ స్థాయికి రావడం కష్టం. నా కంటె గొప్ప గాయని.. ఎన్నో రకాల పాటలు పాడారు. ఎన్నో గొంతుకలతో ఆమె సంగీత ప్రియులను ఆకట్టుకొన్నారు. ఆడియెన్స్‌ను ఎలా ఆకట్టుకోవాలో తనకు తెలుసు. మేమంత ఉత్సవ విగ్రహాలుగానే ఉండే వాళ్లం. నా సిస్టర్ జానకి లేరంటే నమ్మలేకపోతున్నాం. ఏడ్వడానికి కన్నీళ్లు రావడం లేదు. ఇక్కడ కచేరి చేయాలని ఆమెను సరస్వతి దేవీ పిలిచి ఉంటారేమో. ఇలాంటి అదృష్టం ఎవరికి కలగదు అని సుశీల అన్నారు.

బతికి ఉన్ననాళ్లు మా ఇద్దరి మధ్య విభేదాలు సృష్టించడానికి కుట్రలు పన్నారు. నా మీద ఆవిడకు, ఆవిడ మీద నాకు చెప్పి.. కొందరు మనుషులు ఏడిపించుకుతిన్నారు. అలాంటి వారికి కళ్లు చల్లబడ్డాయనుకొంటాను. ఏం సాధించాం? పుట్టించినందుకు ఏదో సాధించాలి. ఆమె అన్నీ సాధించింది. పరిపూర్ణ జీవితాన్ని ఆస్వాదించింది. ఆమెకు మరణం లేదు. ఎంతో మందికి ఇలాంటి గౌరవం దక్కదు. ఎక్కడ ఉన్నా ప్రశాంతంగా, చల్లగా సరస్వతి దేవత పక్కన ఉండాలి అని కోరుకొంటున్నాను అని తీవ్ర వేదన చెందారు.