Mahesh Babu Pre Release Review on Srinivasa Mangapuram: శ్రీనివాస మంగాపురంపై మహేష్ బాబు ప్రీ రిలీజ్ రివ్యూ

వీడియోలో మహేష్ బాబు మాట్లాడుతూ.. అందరికీ నమస్కారం. మా రమేష్ అన్నయ్య అబ్బాయి జయకృష్ణ శ్రీనివాస మంగాపురం సినిమాతో తెలుగు సినిమా పరిశ్రమకు పరిచయం అవుతున్నారు. దాంతో మా ఫ్యామిలీ మొత్తం చాలా హ్యాపీగా ఉంది. వాస్తవానికి అందరం చాలా ఎక్సైటింగ్‌గా ఉన్నాం. ఇప్పటి వరకు రిలీజైన టీజర్, ట్రైలర్, సాంగ్స్ అన్నీ చాలా చాలా బాగున్నాయి. జయకృష్ణ, రషా తడానీ జంట బాగుంది. వారిద్దరి మధ్య కెమిస్ట్రీ చాలా బాగుంది. అందుకు పూర్తిగా అజయ్ భూపతికి క్రెడిట్ ఇవ్వాల్సిందే అని మహేష్ బాబు అన్నారు.

ఈ సినిమా సాంకేతిక విభాగాల విషయానికి వస్తే.. టెక్నిషియన్స్ అంతా చాలా హర్డ్ వర్క్ చేశారు. ఈ సినిమాకు మ్యూజిక్ డైరెక్టర్ జీవీ ప్రకాశ్ వెన్నముకగా నిలిచారు. పాటలు బాగున్నాయి. మ్యూజిక్ చాలా పెద్ద హిట్ అయింది. ఈ సినిమాలో పాటలు నాకు బాగా నచ్చాయి. ఈ సినిమా జూలై 30వ తేదీన రిలీజ్ అవుతున్నది అని మహేష్ బాబు తెలిపారు.

నా జీవితంలో జూలై 30వ తేదీకి ప్రాముఖ్యత ఉంది. ఆ రోజునే నేను హీరోగా నటించిన రాజకుమారుడు చిత్రం రిలీజైంది. ఈ రిలీజ్ డేట్‌ను నిర్మాత అశ్వినీదత్తుగారే ప్లాన్ చేసి ఉంటారు. ఇలాంటి విషయంలో దత్తుగారు పర్టిక్యులర్‌గా ఉంటారు. నేను, రాంచరణ్, అల్లు అర్జున్ ఆయన బ్యానర్ ద్వారానే ఇండస్ట్రీకి పరిచయం అయ్యాం. మాకు మేముగా మా టాలెంట్‌ను ప్రూవ్ చేసుకొన్నాం. ఇలాంటి బ్యానర్‌ నుంచి పరిచయం కావడం జయకృష్ణ, రషా తడానీ నిజంగా అదృష్టవంతులు. మా బాబాయి ఆదిశేషగిరిరావు, జెమినీ కిరణ్, అశ్వినీదత్ అందరూ కలిసి కొత్త వాళ్లతో ఈ సినిమాను నిర్మించి ముందుకు వస్తున్నారు. కాబట్టి మా నాన్న సూపర్ స్టార్ కృష్ణ అభిమానులు, నా అభిమానులు జయకృష్ణ, రషాను ఆదరించాలని కోరుకొంటున్నాను. చిత్ర యూనిట్ మంచి సక్సెస్ లభించాలని విషెస్ తెలియజేస్తున్నాను అని అన్నారు.