Karthika Deepam 2 July 13th: యాక్షన్‌లోకి దిగిన మాలిని.. శివన్నారాయణకు ఫస్ట్ షాక్

Photo Courtesy: JioHotstar

మాలినికి దీప ఎవరో తెలుసు.. అన్నీ తెలిసే ఆ మనిషి ఇలా మాట్లాడుతుందని అంటాడు శివన్నారాయణ. ఈవిడ ఎవరు అని దీప అడగ్గా.. నాకు కోడలు, సుమిత్రకు వదిన అని దక్షిణామూర్తి చెబుతాడు. మాలిని, దక్షిణామూర్తి, శివన్నారాయణ మధ్య మాటల యుద్ధం తారా స్థాయిలో జరుగుతుండటంతో కార్తీక్ ఆపుతాడు. ఈ కుటుంబం కారణంగానే నా కోడలు అని దక్షిణామూర్తి చెప్పబోతుండగా మాలిని అడ్డుపడుతుంది. ఆ నిజం చెప్పే టైం ఇంకా రాలేదు.. సమయం వచ్చినప్పుడు చెబుదామని అంటుంది.

చాలారోజుల తర్వాత మీ కుటుంబాన్ని చూశాను కానీ ఈ అబ్బాయి ఎవరు? కొత్తగా ఉన్నాడు అని సూరజ్ గురించి అడుగుతుంది. అతని పేరు సూరజ్ నా కుటుంబానికి సంబంధం లేదు, కానీ మా కుటుంబంలో ఒకడు అని అంటాడు శివన్నారాయణ. మాలిని కనిపించడంతో దీప ఎమోషనల్ అవుతుంది. నాకు కూడా ఒక అత్త ఉందని కార్తీక్ దగ్గర బాధపడుతుంది. మీ కూతురిని మీ దగ్గరకు చేరుస్తానని దక్షిణామూర్తికి మాట ఇస్తుంది మాలిని. బైక్‌ మీద ఆఫీస్‌కి వెళ్తున్న జ్యోత్స్నను సూరజ్ పెళ్లి చేసుకుంటానంటూ విసిగించడంతో ఆమెకు కిందకు దిగేస్తుంది. ఇదంతా గత ఎపిసోడ్‌లో హైలైట్‌గా జరిగింది. మరి జూలై 13వ తేదీ 721వ ఎపిసోడ్‌లో ఏం జరిగిందంటే?