Karthika Deepam 2 July 22nd: సూరజ్‌పై నిఘా పెట్టిన కార్తీక్- దీప.. జ్యోత్స్నకి పారు బ్రెయిన్ వాష్

Photo Courtesy: JioHotstar

నన్ను గెలిపిస్తానని చెప్పి ఆ దీపని గెలిపిస్తావా అంటూ సూరజ్‌పై మండిపడుతుంది జ్యోత్స్న. నువ్వు గెలుపు కోసం అడ్డదారులు తొక్కకుండా నిజాయితీగా గెలిపించాలని అనుకున్నానని అంటాడు సూరజ్. ప్రస్తుతానికి నీ లవర్‌ని, నువ్వు ఒప్పుకుంటే నీకు కాబోయే మొగుడిని అని చేతిలో పువ్వు పెడతాడు. దానిని కిందపడేసి కాలితో తొక్కుతుంది. ప్రేమించడం నా ఇష్టం.. ఒప్పుకోవడం, ఒప్పుకోకపోవడం నీ ఇష్టమని చెబుతాడు సూరజ్. నువ్వింత తేడాగా ఉన్నావని కోపంగా అక్కడి నుంచి వెళ్లిపోతుంది జ్యోత్స్న. మాలిని, దక్షిణామూర్తిలపై గెలిచినందుకు గాను కేక్ కట్ చేసి సెలబ్రేట్ చేసుకుంటాడు శివన్నారాయణ. దీప- కార్తీక్, సూరజ్- జ్యోత్స్నలకు కేక్ తినిపిస్తాడు.

మరోవైపు.. అవమాన భారంతో రగిలిపోతుంటుంది మాలిని. నేను ఓడిపోయాను, శివన్నారాయణ ముందు తలెత్తుకోలేకపోయానని బాధపడతాడు దక్షిణామూర్తి. మనం ఈ పోటీలో గెలిచాం.. మీ అమ్మాయిని నీ పక్కన కూర్చొనేలా చేశాను, ఎప్పటికైనా మీ అమ్మాయిని మీ దగ్గరికి చేరుస్తానని చెబుతుంది మాలిని. దీపపై శివన్నారాయణ ప్రశంసలు కురిపించడం చూసి తట్టుకోలేక జ్యోత్స్న అక్కడి నుంచి వెళ్లిపోతుండగా పూలకుండీ తగిలి రక్తం వస్తుంది. దాంతో సూరజ్ వెంటనే ఆమె కాలికి కట్టుకట్టడంతో అంతా షాక్ అవుతారు. జ్యోత్స్నని సూరజ్ ఇష్టపడుతున్నాడని కార్తీక్‌తో అంటుంది దీప. ఇంతలో పారు వచ్చి అసలు అక్కడ పూలకుండీ పెట్టిందే సూరజ్ అని చెప్పడంతో దీప- కార్తీక్‌లు షాక్ అవుతారు. ఇదంతా గత ఎపిసోడ్‌లో హైలైట్‌గా జరిగింది. మరి జూలై 22వ తేదీ 729వ ఎపిసోడ్‌లో ఏం జరిగిందంటే?