పీకల్లోతు కష్టాల్లో మురగదాస్.. ఆదుకోవడానికి అమీర్ ఖాన్ రంగం సిద్ధం

స్పైడర్, దర్బార్‌ ఫ్లాపులతో

స్పైడర్ ఫ్లాప్ తర్వాత దర్బార్‌ చిత్రంపై ఏఆర్ మురగదాస్ గంపెడాశలు పెట్టుకొన్నారు. రజనీకాంత్, నయనతార కాంబినేషన్‌లో వచ్చిన చిత్రం బాక్సాఫీస్ వద్ద బోల్తా కొట్టింది. దాంతో డిస్టిబ్యూటర్లు, నిర్మాతలు గొడవ పెట్టడం, నష్టాలను పూడ్చాలని డిమాండ్ చేయడం వివాదంగా మారింది.

మురగదాస్ బాలీవుడ్ రీ ఎంట్రీ

ఇలాంటి కష్టాల్లో ఉన్న మురగదాస్‌కు మంచి రోజులు రాబోతున్నాయనే వార్త అభిమానులకు సంతోషాన్ని నింపబోతున్నది. త్వరలోనే మురుగదాస్ బాలీవుడ్ గుమ్మాన్ని మళ్లీ తొక్కబోతున్నాడు. తనకు గజని లాంటి బ్లాక్‌బస్టర్ హిట్‌నే కాకుండా రికార్డు హిట్‌ను అందించిన మురగదాస్‌తో ఓ సినిమాను రూపొందించడానికి అమీర్ ఖాన్ సిద్ధమవుతున్నట్టు సమాచారం.

తొలి 100 కోట్ల క్లబ్‌లో గజిని

బాలీవుడ్‌లో సరైన హిట్ లేకుండా ఇబ్బందుల్లో ఉన్న అమీర్ ఖాన్‌ను మురగదాస్ గజని చిత్రంతో ఆదుకొన్నారు. ఆ చిత్రం హిందీ చిత్ర పరిశ్రమలో రూ. 100 కోట్ల క్లబ్‌లో చేరిన తొలి చిత్రంగా రికార్డును సొంతం చేసుకొన్నది. అలాంటి క్రెడిట్‌ను అందించిన మురగదాస్‌, రిలయెన్స్ ఎంటర్‌టైన్‌మెంట్‌తో కలిసి గజనీ మూవీకి సీక్వెల్‌ రూపొందించాలని ప్లాన్ చేస్తున్నట్టు తెలిసింది.

Recommended Video

Aamir Khan Apologises For Thugs Of Hindostan Failure | Filmibeat Telugu

లాల్‌సింగ్ చద్దా మూవీలో

ఇక అమీర్ ఖాన్ విషయానికి వస్తే.. ప్రస్తుతం లాల్ సింగ్ చద్దా అనే సినిమా షూటింగ్‌లో బిజీగా ఉన్నారు. కరీనా కపూర్ హీరోయిన్'గా నటిస్తున్న ఈ చిత్రంలో తమిళ నటుడు విజయ్ సేతుపతి విలన్‌గా కనిపించబోతున్నారు. ఈ చిత్రం హాలీవుడ్‌లో ఘన విజయం సాధించిన చిత్రానికి రీమేక్ అనే విషయం తెలిసిందే.