Don't Miss!
- Sports ముక్కలవుతున్న ముంబై.. హార్దిక్ను విమర్శిస్తూ నబీ పోస్ట్
- News జగన్ పై దాడి ఘటనలో మరో టర్నింగ్ ! వడ్డెర సంఘాల ఎంట్రీ..
- Lifestyle ఎండాకాలంలో ఈ ఫుడ్స్కు దూరంగా ఉండాలి.. లేదంటే డీహైడ్రేషన్ తప్పదు..
- Technology ధర రూ.1799 కే, Youtube ,UPI ఫీచర్లతో Itel కొత్త ఫీచర్ ఫోన్! సేల్ వివరాలు
- Automobiles ఈవీ ఓనర్లకు Google Maps గుడ్ న్యూస్.. ఇకపై మీకు ఈ టెన్షన్ ఉండదు.!!
- Travel తెలంగాణలోని గొంతెమ్మగుట్ట సందర్శనకు బయలుదేరుదామా..?
- Finance Market Closing: మార్కెట్లను వీడిన నిరాశ మేఘాలు.. లాభాల్లో ముగిసిన సెన్సెక్స్-నిఫ్టీ..
అమీర్ ఖాన్ ఫర్ఫెక్షన్ అంటే అదే.. మరో ఛాలెంజింగ్ పాత్ర కోసం..
బాలీవుడ్ మిస్టర్ ఫర్ఫెక్ట్ అమీర్ ఖాన్ మరో సెన్సేషనల్ ప్రాజెక్ట్ కోసం సిద్ధమవుతున్నాడు. ఆస్కార్ అవార్డుకు ఎంపికైన హాలీవుడ్ చిత్రం ఫారెస్ట్ గంప్ సినిమా ఆధారంగా లాల్ సింగ్ ఛద్దా చిత్రాన్ని రూపొందిస్తున్నారు. ఈ చిత్రంలో హాలీవుడ్ నటుడు టామ్ హంక్స్ నటించిన పాత్రలో అమీర్ ఖాన్ కనిపించనున్నారు. తన జన్మదినం రోజున లాల్ సింగ్ ఛద్దా సినిమాను రూపొందిస్తున్నట్టు ప్రకటించిన సంగతి తెలిసిందే. అక్టోబర్, నవంబర్ నెలలో ఈ సినిమాను సెట్స్పైకి తీసుకెళ్లేందుకు ప్రయత్నిస్తున్నారు. అయితే అమీర్ ఖాన్ మరో ఛాలెంజ్ను స్వీకరించినట్టు తాజా సమాచారం.
లాల్ సింగ్ ఛద్దా చిత్రంలో యువకుడి పాత్రలో కనిపించేందుకు 20 కేజీల బరువు తగ్గేందుకు ప్రయత్నిస్తున్నాడు. ఇందుకోసం చాలా కఠినమైన ఆహార నియమాలను పాటిస్తున్నట్టు సమాచారం. కేవలం వెజిటేరియన్ కరీ, రోటిని మాత్రమే తీసుకొంటున్నారు. తన లుక్ ఫర్ఫెక్ట్గా ఉండేందుకు సెప్టెంబర్లో శిక్షణ తీసుకోవడానికి ప్రయత్నిస్తున్నారు. అంతేకాకుండా, క్రియేటివ్ అంశాలపైనా దృష్టిపెడుతున్నట్టు సమాచారం.
చాలాకాలంగా ఫారెస్ట్ గంప్ సినిమా రీమేక్ హక్కుల కోసం చాలా మంది ప్రయత్నించారు. అయినా వారు ఎవరికీ ఇవ్వలేదు. అమీర్ ఖాన్ తీసుకొంటున్న జాగ్రత్తలను, సినీ నిర్మాణంలో ఆయన ఫర్ఫెక్షన్ గురించి తెలుసుకొని హాలీవుడ్ నిర్మాతలు షాక్కు గురయ్యారు. అమీర్ ఖాన్ గత సినిమాల నిర్మాణం గురించి తెలుసుకొని హక్కులను ఇచ్చారు అని అమీర్ ఖాన్ సన్నిహితులు చెప్పారు.
సీక్రెట్ సూపర్స్టార్ సినిమాకు దర్శకత్వం వహించిన అద్వైత్ చందన్ ప్రస్తుతం లాల్ సింగ్ ఛద్దాకు డైరెక్షన్ చేస్తున్నాడు. కరీనా కపూర్ ఖాన్ హీరోయిన్గా నటిస్తున్నారు. ఈ సినిమా 2020 క్రిస్మస్కు రిలీజ్ కానున్నది.