ఇబ్బందిగా అనిపించింది కానీ, తప్పదని చేశా.. ట్రాన్స్‌జెండర్‌ను కాబట్టి.. నటి హాట్ కామెంట్స్

ఇంతకీ ఎవరీ ఇవాంకా దాస్?

బాలీవుడ్ సినీ ఇండస్ట్రీలో ట్రాన్స్‌జెండర్ కొరియోగ్రాఫర్ కమ్ మోడల్‌గా గుర్తింపు తెచ్చుకుంది ఇవాంకా దాస్. ఇప్పుడు ఈమె నటించడం కూడా ప్రారంభించి ‘యే హై జస్ట్ మండి' అనే వెబ్ సిరీస్‌ ద్వారా కెమెరా ముందుకొచ్చింది. ఈ మేరకు ఓ ఆంగ్ల మీడియాతో మాట్లాడిన ఇవాంకా.. కెమెరా ముందు తనకు కొన్ని సీన్స్ ఇబ్బందికరంగా అనిపించాయని ఆమె తెలిపింది.

నటి అన్నాక ఇలాంటివి తప్పదని చేశా..

తాను ఈ ‘యే హై జస్ట్ మండి' వెబ్ సిరీస్ స్టోరీ విన్నప్పుడే నటించాలని ఫిక్స్ అయ్యానని ఇవాంకా తెలిపింది. కానీ సెక్స్ సన్నివేశాల్లో నటించాల్సి వచ్చినప్పుడు మాత్రం చాలా అసౌకర్యానికి గురయ్యానని చెప్పింది. తాను పర్సనల్‌ లైఫ్‌లో బోల్డ్‌గా ఉండొచ్చు.. కానీ ఇలాంటి సన్నివేశాల్లో మాత్రం నటించే టైప్ కాదని, బట్ నటి అన్నాక ఇలాంటివి తప్పదని తెలుసుకొని చేశానని ఇవాంకా చెప్పుకొచ్చింది.

ట్రాన్స్‌జెండర్‌ను కాబట్టి.. అవకాశం వచ్చినప్పుడు

సీమా అనే యువతి తన లైంగిక వాంఛలు తీర్చుకునేందుకు ఏం చేస్తుంది అన్న కాన్సెప్ట్‌తో రాబోతోంది ‘యే హై జస్ట్ మండి' వెబ్ సిరీస్. ఇందులో తాను కరీనా అనే వేశ్య పాత్రలో కనిపిస్తానని, అయితే ఇందులో నటించడానికి తాను ఇతర నటీమణులను స్ఫూర్తిగా తీసుకోలేదని ఇవాంకా చెప్పింది. తాను ట్రాన్స్‌జెండర్‌ను కాబట్టి అలాంటి పాత్రలో నటించే అవకాశం వచ్చినప్పుడు వేరొకరిని స్ఫూర్తిగా తీసుకోలేనని ఆమె పేర్కొంది.

ఆ సమయంలో చాలా ఇబ్బంది పడ్డా..

అయితే ఈ వెబ్ సిరీస్‌లో ఇవాంకా కొన్ని ఇంటిమేట్ సన్నివేశాల్లో నటించాల్సి వచ్చిందట. ఆ సమయంలో తాను చాలా ఇబ్బందికి గురయ్యానని మీడియా ద్వారా వెల్లడించింది ఇవాంకా దాస్.