ఆరు నెలలు నరకం అనుభవించా.. అదే పని.. చివరకు మద్యానికి బానిసయ్యా: నటి

సమస్యలను బయటపెట్టిన నటీమణి

బాలీవుడ్ మూవీ ‘ఏబీసీడీ: ఎనీబడీ కెన్ డ్యాన్స్' సినిమాతో మంచి గుర్తింపు తెచ్చుకుంది నటి లారేన్ గోట్లీబ్. ఈ సినిమా బ్లాక్ బస్టర్ హిట్ సాధించడంతో ఆమె పేరు దేశమంతా తెలిసిపోయింది. ఈ సినిమా తర్వాత చాలా రోజుల పాటు మీడియాకు దూరంగా ఉన్న ఈమె.. ఇటీవలే జరిగిన ఇంటర్వ్యూలో తన సమస్యలను వెల్లడించింది.

డిప్రెషన్‌తో బాధపడుతూ మద్యానికి బానిసయ్యా

చాలా కాలంగా తాను డిప్రెషన్‌తో బాధపడుతున్నానని లారేన్ గోట్లీబ్ తెలిపింది. అందుకే మద్యానికి బానిసయ్యానని, తనకు డ్రగ్స్, మద్యంతోనే జీవితం సంతోషంగా గడిచిపోతోందని పేర్కొంది. అవే తన డిప్రెషన్‌కు మెడిసిన్‌లా పనిచేస్తున్నాయని చెప్పింది. రెండేళ్ల పాటు ఎంతో నరకం అనుభవించానని, ఇప్పుడిప్పుడే కోలుకుంటున్నానని వెల్లడించింది.

చాలా నిజాయతీగా ఉంటా.. కానీ వాళ్ళు మాత్రం

‘ఏబీసీడీ' సినిమాలో అవకాశం రావడం, అలాగే ఒక్కసారిగా ఫేం వచ్చేయడంతో దాని వలలో పడిపోయానని చెప్పుకొచ్చింది లారేన్ గోట్లీబ్. ఈ సినిమాతో తాను ఇండియానే నివాస కేంద్రంగా మార్చుకున్నానని తెలిపింది. ఇండియా నుంచి అమెరికాకు వెళుతున్నప్పుడు ఫ్లైట్‌లో ఎంతో ఏడ్చేదాన్నని చెప్పింది. తాను ఇతరులతో చాలా నిజాయతీగా ఉంటానని, కానీ అందరూ తనకు అబద్దాలు చెబుతారని అనేసింది లారేన్ గోట్లీబ్.

ఇండియాలోనే బెస్ట్ డ్యాన్సర్ అనే ట్యాగ్‌

ఇండియాలోనే బెస్ట్ డ్యాన్సర్ అనే ట్యాగ్‌ను తనకు ఇచ్చేయడంతో.. ఫెయిల్ కాకూడదని చాలా కష్టపడ్డానని ఆమె తెలిపింది. ఏబీసీడీ సినిమాలో అమెరికన్ ఇండియన్ డ్యాన్సర్ పాత్రలో నటించాను కానీ తనను ప్రమోషన్స్‌కు పిలవక పోవడం, సినిమాలో తన పాత్రకు సంబంధించిన కొన్ని సన్నివేశాలను కూడా డిలీట్ చేయడం బాధపెట్టిందని చెప్పింది లారేన్ గోట్లీబ్.

Recommended Video

#CineBox : Fans Begin Countdown For RRR,With #250daystomassiveRRR

ఆరు నెలల పాటు నరకం

అలా ఆరు నెలల పాటు తీవ్ర నరకం అనుభవించానని లారేన్ గోట్లీబ్ తెలిపింది. ఇప్పుడిప్పుడే చీకటి నుంచి బయటపడుతున్నానని ఈ సందర్బంగా ఆమె తెలిపింది. త్వరలో బాలీవుడ్‌లో ఇంకొన్ని సినిమాలు చేస్తానని ఆమె చెప్పుకొచ్చింది.