Don't Miss!
- Sports సూపర్ సండే: సునామీ సన్రైజర్స్ను ఢీకొట్టేదెవరు: నెక్స్ట్ మ్యాచ్ డీటెయిల్స్ ఇవే
- News గంటాకు సీటు ఖరారు - టీడీపీ తుది జాబితా విడుదల, లిస్టులో..!!
- Automobiles కొత్త స్కూటర్ కొనేవారికి గుడ్ న్యూస్.. ఏథర్ రిజ్టా ప్రీ బుకింగ్లు ప్రారంభం.. రూ. 999 చెల్లిస్తే చాలు
- Travel గుడ్ప్రైడే రోజున లాంగ్వీకెండ్ ప్లాన్ చేస్తున్నారా? అయితే ఈ ప్లేస్లు చూసేయండి...
- Finance ICICI: ఐసీఐసీఐ బ్యాంక్ డివిడెండ్ ప్రకటిస్తుందా..!
- Lifestyle అమ్మాయిలూ! హెయిర్ స్ట్రెటనింగ్, కలరింగ్ అంటూ హెయిర్ స్టైల్ కు పోతే ..కిడ్నీలు పోతాయి..జాగ్రత్త సుమీ..!
- Technology వాట్సాప్ కాలింగ్ ఫీచర్ వినియోగిస్తున్నారా.. అయితే ఈ అప్డేట్ మీకోసమే..!!
కెజిఎఫ్ 2 అధీరా పాత్ర అవెంజర్స్లో థానోస్లా ఉంటుంది: సంజయ్ దత్
Recommended Video
కన్నడ స్టార్ యష్ హీరోగా ప్రశాంత్ నీల్ దర్శకత్వంలో రూపొందిన 'కెజిఎఫ్-చాప్టర్ 1' సంచలన విజయం అందుకుంది. ఈ నేపథ్యంలో 'కెజిఎఫ్-చాప్టర్ 2'ను గ్రాండ్గా ప్లాన్ చేస్తున్నారు. బాలీవుడ్ మార్కెట్ను దృష్టిలో పెట్టుకుని ఈ సినిమాలో విలన్ పాత్రకు సంజయ్ దత్ను ఎంపిక చేశారు.
కెజిఎఫ్-చాప్టర్ 2లో సంజయ్ దత్ అధీరా పాత్రలో కనిపించబోతున్నారు. ఇటీవలే ఆయన లుక్ పరిచయం చేస్తూ పోస్టర్ విడుదల చేశారు. ఈ పోస్టర్ రిలీజ్ తర్వాత సినిమాపై అంచనాలు మరింత పెరిగాయి. సంజయ్ దత్ నటించిన మరో బాలీవుడ్ మూవీ 'ప్రస్తానం' టీజర్ రిలీజ్ సందర్భంగా కొందరు మీడియా ప్రతినిధులు 'కెజిఎఫ్-2' సినిమా గురించి ప్రశ్నించగా ఆయన స్పందించారు.
కెజిఎఫ్ 2లో పవర్ఫుల్ పాత్రలో కనిపించబోతున్నాను
‘కెజిఎఫ్ 2' గురించి మీడియా ప్రతినిధులు అడిగిన ప్రశ్నకు సంజయ్ దత్ స్పందిస్తూ... ఇందులో తన పాత్ర పవర్ ఫుల్గా ఉంటుందని తెలిపారు. అధీరా లుక్ కూడా డిఫరెంటుగా ఉంటుందన్నారు. ఈ పాత్ర డిజైన్ చేసిన తీరు ఎంతో నచ్చిందని, అందుకే సినిమాలో విలన్ పాత్ర చేయడానికి ఒప్పుకున్నట్లు వెల్లడించారు.
అవెంజర్స్లో థానోస్లా అధీరా పాత్ర
ఒక రకంగా చెప్పాలంటే అధీరా పాత్ర అవెంజర్స్ మూవీలో థానోస్ పాత్రలా ఉంటుంది. ఇలాంటి ఒక వైవిధ్యమైన పాత్ర చేయాలని ఎప్పటి నుంచో కోరిక ఉంది. ‘కెజిఎఫ్ 2' రూపంలో అలాంటి పాత్ర చేసే అవకాశం దక్కింది, సినిమాలో అధీరా పాత్ర చాలా కీలకంగా ఉంటుదని సంజయ్ దత్ తెలిపారు.
తొలిసారిగా కన్నడ చిత్రంలో
'కెజిఎఫ్ 2' ద్వారా బాలీవుడ్ స్టార్ సంజయ్ దత్ కన్నడ సినీ పరిశ్రమలోకి అడుగుపెట్టబోతున్నారు. 'అధీరా' పాత్ర సినిమాలో హైలెట్ అయ్యేలా ఉంటుందని, హీరో పాత్రను మించిపోతుందని టాక్. ఈ మూవీలో సంజయ్తో పాటు రవీనా టండన్ కూడా కీలక పాత్రలో కనిపించబోతున్నట్లు తెలుస్తోంది.
2020లో రిలీజ్
'కెజిఎఫ్-చాప్టర్ 1' 2018లో కన్నడతో పాటు తెలుగు, తమిళం, హిందీలో విడుదలైన ప్రపంచ వ్యాప్తంగా రూ. 200 కోట్లకుపైగా వసూలు చేసిన చరిత్ర సృష్టించింది. ప్రశాంత్ నీల్ దర్శకత్వం వహించిన ఈ చిత్రానికి విజయ్ కిరంగదూర్ నిర్మాత. 'కెజిఎఫ్-చాప్టర్ 2' చిత్రాన్ని 2020లో ప్రేక్షకుల ముందుకు తెచ్చేందుకు ప్లాన్ చేస్తున్నారు. హోంబళే ఫిలింస్, వారాహి చలన చిత్రం బేనర్లో ఈ మూవీ రూపొందుతోంది.