చేతబడి చేయించింది.. విడిపోయాక సంతోషంగా ఉన్నా.. కంగనాపై మాజీ ప్రియుడి కామెంట్స్

రంగోలీ లేపిన దుమారం..

ఉత్తరప్రదేశ్‌లోని మొరదాబాద్‌ ఘటనపై రంగోలీ చేసిన వ్యాఖ్యలు దుమారం లేపిన సంగతి తెలిసిందే. కరోనాతో మృతి చెందిన ఓ జమాతీ కుటుంబానికి వైద్య పరీక్షలు చేయటానికి వెళ్లిన డాక్టర్లు, పోలీసులపై దాడి చేయడంపై రంగోలీ స్పందించింది. ఓ వర్గానికి చెందిన వారిని, సెక్యులర్‌ మీడియాను వరుసగా నిలబెట్టి కాల్చిపడేయాలంటూ సంచలన వ్యాఖ్యలు చేసింది. దీంతో ఆమె ట్విట్టర్ ఖాతాను తొలిగించారు. ఈ నేపధ్యంలో సోదరికి అండగా.. కంగనా నిలబడింది.

ఘటనపై భిన్నస్వరాలు..

రంగోలీ, కంగనా ట్వీట్లపై భిన్న స్వరాలు వినిపించగా.. మధ్యలో పాత విషయం వెలుగులోకి వచ్చింది. కంగనా, సుమన్‌ల బ్రేకప్‌పై నటి కవితా కౌశిక్‌ స్పందించింది. సుమన్‌‌, అతని తండ్రి శేఖర్‌ సుమన్‌లు కంగనా క్షమాపణలకు అర్హులని తెలిపింది. సుమన్‌తో బ్రేకప్‌ సమయంలో అతని కుటుంబంపై కంగనా ఆమె సోదరి రంగోలీలు తీవ్ర విమర్శలు చేయడమే కాకుండా అతని కుటుంబాన్ని ఎన్నో రకాలుగా బాధపెట్టిన తీరు హృదయ విధారకమని తెలిపింది.

ఆమెకు ధన్యవాదాలు..

ఇక దీనిపై సుమన్ స్పందిస్తూ.. కవిత మద్దతు తెలిపినందుకు ధన్యవాదాలు. అంతేగాక అప్పట్లో తనని విమర్శిస్తూ వచ్చిన వార్తలపై కూడా అసంతృప్తి వ్యక్తం చేశాడు. మామూలుగా ఇలాంటి ఫ్లాట్‌ఫామ్‌లో ఎక్కువ మంది తమ అభిప్రాయాలను చెప్పరని, చెబితే ఎలాంటి కామెంట్స్ వస్తాయో వారికి తెలున్నాడు.

క్షుద్రపూజలు కూడా..

ఓ రోజు తనను అర్దరాత్రి ఇంటికి పిలిచిందని తెలిపాడు. అర్దరాత్రి పన్నెండు గంటలకు తన అపార్ట్‌మెంట్‌లో ఏవేవో పూజలు చేసిందని తెలిపాడు. అంతా నల్లని వస్త్రాలతో నింపేసిందని, తనను కూడా మంత్రాలు చదవమని బలవంతం చేసిందని అన్నాడు. అలా చేస్తుండటంతో భయపడి బయటకు వచ్చానని ఆ మధ్య ఓ ఇంటర్వ్యూలో చెప్పుకొచ్చాడు.

సంతోషంగా ఉన్నా..

కంగనాతో విడిపోవడంపై స్పందిస్తూ.. కంగనాతో విడిపోయే సమయంలో తనకు ఎవరూ మద్దతుగా లేరని అన్నాడు. అప్పుడు తాను కఠిన పరిస్థితులను చుశానని పేర్కొన్నాడు. తనను తన కుటుంబాన్ని చాలా బాధపెట్టిందని చెప్పుకొచ్చాడు. ఆమెతో విడిపోయాక జీవితం చాలా ఆనందంగా ఉందని అయినా..అవన్నీ మరిచిపోయి జీవితంలో చాలా ముందుకు వెళ్లానని తెలిపాడు. రాజ్: ది మిస్టరీ కంటీన్యూస్ అనే సినిమాతో వీరిద్దరు కలిశారు.