అద్దె గర్భంతో తల్లిగా ఐశ్వర్యారాయ్.. కుదరదని చెప్పేసిందా!

కథ నచ్చింది

తాజాగా ఈ చిత్రం గురించి ఐశ్వర్యారాయ్ ఓ ఇంటర్వ్యూలో మాట్లాడింది. అయి చిత్రానికి సంబంధించిన కథా చిత్రాలు ఫిబ్రవరిలోనే ముగిసాయి. కథ నచ్చింది. కానీ కొన్ని మార్పులు చేయమని రచయితకు సూచించినట్లు ఐశ్వర్యారాయ్ తెలిపింది. వారినుంచి స్పందన లేకపోవడంతో ఈచిత్రంలో చేస్తానో లేదో అంటూ అనుమానం వ్యక్తం చేసింది. తాను ఈ చిత్రం నుంచి తప్పుకున్న విషయాన్ని ఐశ్వర్యరాయ్ పరోక్షంగా చెప్పిందని బాలీవుడ్ వర్గాలు అంటున్నాయి.

కథలో అనేక లోపాలు

ఐశ్వర్యారాయ్ అంటే అభిమానులంతా అందాల తారగానే చూస్తారు. ఈ నేపథ్యంలో పంటికింద రాయిలా కథలో చాలా లోపాలు, తన ఇమేజ్ కు సరిపోని అంశాలు ఉండడంతో ఐశ్వర్యారాయ్ మార్పులు సూచించిందట. కానీ కథని కథని దృష్టిలో పెట్టుకుని రచయిత మార్పులు చేయలేదని అంటున్నారు.

అద్దె గర్భం

ఈ చిత్రంలో అద్దె గర్భం సరోగసి విధానం ద్వారా తల్లి అయిన మహిళ పాత్రలో ఐష్ నటించాల్సి ఉంది. తల్లి పాత్ర కనుక గ్లామర్ అంశాలకు కథ దూరంగా ఉంటుంది. పూర్తిగా డీగ్లామర్ పాత్ర అయినా వర్కవుట్ కాదనే ఉద్దేశంతో ఐష్ ఈ చిత్రం నుంచి తప్పుకున్నట్లు తెలుస్తోంది.

అభిషేక్ బచ్చన్

ప్రస్తుతం ఐశ్వర్యారాయ్ ఆచి తూచి మాత్రమే సినిమాలు చేస్తోంది. ఇదిలా ఉండగా తన భర్త అభిషేక్ బచ్చన్ తో కలసి ఓ చిత్రంలో నటించేందుకు సన్నాహకాలు జరుగుతున్నట్లు వార్తలు వస్తున్నాయి.