కాజోల్, ఆమె కూతురికి కరోనా?.. సోషల్ మీడియాలో వైరల్.. అజయ్ దేవగణ్ క్లారిటీ

కరోనా వైరస్ బీభత్సం..

ప్రస్తుతం ప్రపంచం మొత్తం కరోనా వైరస్ ధాటికి అతలాకుతలం అవుతోంది. ప్రపంచ వ్యాప్తంగా కొన్ని లక్షల మంది కరోనా బారిన పడగా వేల సంఖ్యలో మృతి చెందారు. మన దేశంలోనూ కరోనా శరవేగంగా వ్యాప్తి చెందుతోంది. ఇప్పటికే వెయ్యి మందికి పైగా కరోనా లక్షణాలు బయట పడ్డాయి.

21 రోజుల లాక్ డౌన్..

కరోనా వైరస్‌ను అడ్డుకునేందుకు ఏప్రిల్ 14 వరకు లాక్ డౌన్‌ను విధించిన సంగతి తెలిసిందే. అప్పటి వరకు ఎవ్వరూ రోడ్ల మీద తిరగొద్దని, అందరూ ఇంటికే పరిమితం కావాలని ప్రధాని ఆదేశించిన సంగతి తెలిసిందే. ఈ మేరకు ప్రధాని నిర్ణయాన్ని అందరూ గౌరవిస్తూ ప్రజలంతా ఇంటి పట్టునే ఉంటున్నారు.

అజయ్ దేవగణ్ ఫ్యామిలీ సైతం..

అజయ్ దేవగణ్ ఫ్యామిలీ సైతం సామాజిక దూరం పాటిస్తూ.. ఇంటికే పరిమితమయ్యారు. అయితే అజయ్ కూతురు సింగపూర్‌లో చదువుతుండటం, ఇటీవలె ఇండియాకు తిరిగి రావడంతో వారికి కరోనా వచ్చి ఉంటుందనే రూమర్స్ బాగా వైరల్ అయ్యాయి.

ఇద్దరూ క్షేమంగానే..

ఈ రూమర్లపై స్పందిస్తూ.. కాజోల్, నైసా గురించి అడిగిన వారందరికీ ధన్యవాదాలు.. వారిద్దరూ క్షేమంగా ఉన్నారు.. వారి ఆరోగ్యంపై వస్తున్న వార్తలు నిరాధరమైనవి, వాస్తవానికి దూరమని చెప్పుకొచ్చాడు. కరోనా లాంటి మహమ్మారి విస్తరిస్తున్న వేళ ఇలాంటి రూమర్సే ఎక్కువయ్యాయి.