పిడి గుద్దులతో రెచ్చిపోయిన హీరో, దర్శకుడు.. కారణమేంటంటే..?

అక్షయ్ కుమార్, రోహిత్ శెట్టిల మధ్య గొడవలు..

బ్లాక్ బస్టర్ చిత్రాల దర్శకుడు రోహిత్ శెట్టి ప్రస్తుతం అక్షయ్ కుమార్ .. కత్రినా కైఫ్ తో 'సూర్యవంశి' చిత్రాన్ని తెరకెక్కిస్తున్నారు. ఓ ప్రముఖ బాలీవుడ్ వెబ్ సైట్ ఈ సినిమా గురించి ఒక వార్త రాసింది. అక్షయ్ కుమార్.. రోహిత్ శెట్టి మధ్య గొడవ జరిగిందని.. ఇద్దరూ ఎడమొహం పెడమొహం గా ఉంటే నిర్మాత కరణ్ జోహార్ మధ్య వర్తిత్వం వహించి సర్దుబాటు చేశారనేది ఆ వార్త సారాంశం.

ఫన్నీగా రిప్లై ఇచ్చిన టీమ్..

దీంతో 'సూర్యవంశి' టీమ్ చిరాకు పడ్డారేమో కానీ ఒక వీడియో షూట్ చేశారు. ఆ వీడియోను అక్షయ్ తన ఇన్స్టా ఖాతా ద్వారా పోస్ట్ చేసి "#బ్రేకింగ్ న్యూస్- ఈ గొడవ మీ రోజు ను సరదా గా మారుస్తుంది" అంటూ క్యాప్షన్ ఇచ్చారు.

సరదాగా నటించిన హీరో, దర్శకుడు

ఈ వీడియో లో మొదట కత్రినా తన ఫోన్ లో ఆ గాసిప్ ను చూపిస్తుంది. ఆ తర్వాత అక్షయ్.. రోహిత్ ఇద్దరూ ఒకరిపై ఒకరు కోపం తో పిడి గుద్దులు కురిపించుకుంటారు. అప్పుడు ముంబై పోలీసులు ఎంట్రీ ఇచ్చి ఇద్దరి నీ పక్క కు లాగుతారు. ఇక ఈ వీడియోలో హైలైట్ ఏంటంటే సదరు ఆర్టికల్ లో 'ఫాలౌట్' అనే ఇంగ్లీష్ పదాన్ని వాడారు... దానికి కూడా కౌంటర్ అన్నట్టుగా అక్షయ్.. రోహిత్ ఫైట్ లో భాగంగా నేల మీద పడిపోయినట్టు నటించారు.

Recommended Video

Cine Box : RRR Updates,Rajamouli Fully Focused On NTR And Ram Charan For RRR !

స్పందించిన కరణ్ జోహార్..

అలా వారిద్దరు ఒకరినొకరిపై పిడి గుద్దులు కురిపించుకుంటోన్న వీడియోకు రిప్లై ఇస్తూ.. ఇలాంటి గొడవలను నేనైతే పరిష్కరించలేను అంటూ సరదగా స్పందించాడు. అక్షయ్ షేర్ చేసిన ఈ వీడియోకు బాలీవుడ్ సెలబ్రిటీ ల నుంచి అద్భుత స్పందన దక్కుతోంది. వరుణ్ ధావన్.. కృతి సనన్.. టైగర్ ష్రాఫ్.. పూజా హెగ్డే, రాయ్ లక్ష్మీ లైక్స్ కొట్టి కామెంట్స్ పెట్టారు. ఇప్పటికే ఈ వీడియోను పదిహేను లక్షల మందికిపైగా వీక్షించారు.