రణ్‌బీర్ జ్ఞాపకాల్లో అలియా.. మిస్ అవుతున్నానంటూ పోస్ట్.. అంతులేని ప్రేమ!

అలా టాక్..

రణ్ బీర్ కపూర్ అలియా భట్ వివాహాం గురించి నిత్యం ఏదో రకమైన వార్తలు వస్తూనే ఉంటాయి. అదిగో పెళ్లి ఇదిగో పెళ్లి అంటూ వార్తలు రాస్తూనే ఉంటారు. ఇప్పటికే ఎన్నో సార్లు ప్రేమ, బ్రేకప్ వంటి వ్యవహారాలతో రణ్ బీర్ కపూర్ తెగ ట్రోల్ అయ్యాడు. అలియా విషయంలో రణ్ బీర్ కపూర్ కాస్త ముందడుగు వేసేలా ఉన్నాడు.

పెళ్లి అంటూ..

కరోనా వల్ల తన పెళ్లి వాయిదా పడిందంటూ ఆ మధ్య రణ్ బీర్ కపూర్ చేసిన కామెంట్లు తెగ వైరల్ అయ్యాయి. ఆ మధ్య రణ్ బీర్ మీడియాతో మాట్లాడుతూ.. నా గర్ల్ ఫ్రెండ్ అలియా నాకంటే ఎంతో సాధించింది. ఈ లాక్డౌన్ సమయంలో గిటార్ నేర్చుకుంది.. స్క్రీన్ ప్లే రైటింగ్ నేర్చుకుందంటూ చెప్పుకొచ్చాడు. ఒకవేళ 2020లో ఈ కరోనా రాకపోయి ఉంటే తామిద్దరం పెళ్లి చేసుకునే వాళ్లమని రణ్ బీర్ కపూర్ తెలిపాడు.

కరోనా పాజిటివ్,..

అయితే తాజాగా రణ్ బీర్ కపూర్ కరోనా బారిన పడ్డాడు. తనకు కరోనా పాజిటివ్ వచ్చిందంటూ రణ్ బీర్ ప్రకటించాడు. అయితే ఇప్పుడు క్షేమంగానే ఉన్నాడంటూ రణ్ బీర్ తల్లి సోషల్ మీడియాలో స్పష్టం చేసింది. ప్రస్తుతం క్వారంటైన్‌కే పరిమితమయ్యాడని తెలిపింది.

మిస్ అవుతున్న అలియా..

అయితే తాజాగా అలియా తన ప్రియుడిని మిస్ అవుతోందంట. ఈ మేరకు రణ్ బీర్ కపూర్‌తో గడిపిన క్షణాలను గుర్తు చేసుకుంటూ ఉంటుంది. ఎంతో మిస్ అవుతున్నా.. అనంతమైన ప్రేమ అంటూ కొన్ని లవ్ సింబల్స్‌ను షేర్ చేసింది. ప్రస్తుతం ఈ పోస్ట్ నెట్టింట్లో తెగ వైరల్ అవుతోంది.