Don't Miss!
- News మేషరాశిలో శుక్ర దహనం.. ఈ రాశులవారికి కెరీర్ లో పెనుసవాళ్లు
- Sports LSG vs CSK: రప్ఫాడించిన రాహుల్... లక్నో ఘన విజయం
- Automobiles వెస్పా 140 వ యానివర్సరీ వేడుకలు.. స్పెషల్ ఎడిషన్ స్కూటర్ లాంచ్..
- Lifestyle వేసవిలో కిడ్నీలు భద్రంగా ఉండాలంటే రోజూ ఎన్ని గ్లాసుల నీళ్లు తాగాలో తెలుసా?
- Technology రియల్మి ప్యాడ్ 2 వైఫై వేరియంట్ సేల్ ప్రారంభం.. రూ.2000 తగ్గింపు.. ఆఫర్ కొన్నిరోజులు మాత్రమే..!!
- Travel తెలంగాణలోని గొంతెమ్మగుట్ట సందర్శనకు బయలుదేరుదామా..?
- Finance Market Closing: మార్కెట్లను వీడిన నిరాశ మేఘాలు.. లాభాల్లో ముగిసిన సెన్సెక్స్-నిఫ్టీ..
నా కలను నెరవేర్చుకున్నా.. లండన్లో అలా: ఆలియా భట్
బాలీవుడ్ బ్యూటీ ఆలియా భట్ తాజాగా జరిగిన ఓ ఇంటర్వ్యూలో తన వ్యక్తిగత విషయాల గురించి చెప్పింది. తను ఎంత సింపుల్గా ఉంటాననేది తెలుపుతూ తన ఇష్టాయిష్టాల గురించి కూడా వివరించింది. హంగు ఆర్భాటాలకు ఎప్పుడూ తాను దూరమే అని చెబుతూ అన్ని విషయాలు ప్రస్తావించింది.
తనకు నిరాడంబరంగా ఉండటమే ఇష్టమంటున్న ఆలియా.. తానెప్పుడూ అనవసరపు ఖర్చులను పోనని చెబుతోంది. తాను టీనేజర్గా ఉన్నప్పటి నుంచే ఖరీదైన వస్తువులు కొనాలంటే ఒకటికి రెండుసార్లు ఆలోచించేదాన్నని ఆమె చెప్పుకొచ్చింది. ఇక హాలీడే ట్రిప్స్కు వెళ్లినప్పుడు తనకు షాపింగ్ చేయడమంటే అస్సలు ఇష్టం ఉండదని ఆమె పేర్కొంది.
కాకపోతే తనకు హ్యాండ్ బ్యాగ్స్, అథ్లైజర్ దుస్తులపై మక్కువ ఎక్కువని, వాటి కోసం మాత్రం కాస్త ఎక్కువ డబ్బులు ఖర్చు చేస్తానని చెప్పింది ఆలియా. తన మొదటి సంపాదనతో ఖరీదైన 'లూయిస్ వుట్టన్' హ్యాండ్ బ్యాగ్ను కోనుగొలు చేశానని ఆమె తెలిపింది.
అలాగే తన కలల ఇంటి గురించి మాట్లాడిన ఆలియా.. విలాసవంతమైన ప్రైవేటు జెట్తో పాటు పర్వతాల మధ్య ఒక ఇల్లు కట్టుకోవాలన్నది తన కల అని భవిష్యత్తులో కచ్చితంగా వాటిని నెరవేర్చుకుంటానని చెప్పింది. అదేవిధంగా లండన్లో ఒక ఇంటిని కొనాలన్న తన కలను నెరవేర్చుకున్నానని.. 2018లో కోవెంట్ గార్డెన్లోని ఓ ఇంటిని కొనుగోలు చేశానని వెల్లడించింది. ప్రస్తుతం ఆలియా RRR సినిమాలో నటిస్తోంది.