అవుంటే చాలు జీవితమే మారిపోతుందంటోన్న ఆలియా

మనుషులే కాదు శునకాలకూ అమే ఆసరా

ప్రస్తుతానికి షూటింగ్ లు ఏమీ లేకపోవడంతో వీలైనంత ఎక్కువ సమయం రణ్ బీర్ తోనే గడుపుతున్న ఆలియా, ఇంటిల్లపాదికీ కూడా రిలీఫ్ మంత్రాన్ని బోధిస్తోంది. అత్త నీతూ కపూర్ , ఆడపడుచు రిథిమా కపూర్ తో కూడా వీలైనంత ఎక్కువ సమయాన్ని కేటాయిస్తోంది. ఈ నేపథ్యంలో ఇంట్లోని అతి ముఖ్యమైన వ్యక్తులు అమ్మడికి అల్లుకుపోయారని వినికిడి.

రణ్ బీర్ పిల్లలకు అన్నీ తానైన ఆలియా

రణ్ బీర్ కు కుక్కలంటే విపరీతమైన ఇష్టం. తాను స్వయంగా లియోనెల్, లిడో అనే రెండు కుక్కలను పెంచుకుంటున్నాడు. వాటితో రణ్ బీర్ కు గాఢమైన అనుబంధం పెనవేసుకుంది. ఇక త్వరలో ఆ ఇంట కోడలిగా అడుగుపెట్టబోతున్న ఆలియా ఇంటి జనాలతో పాటూ, శునకాలను కూడా మచ్చిక చేసుకుంది. వాటికీ అవసరమైన ప్రేమను పంచిపెడుతోంది.

వైరల్ గా మారిన ఫొటోలు

ఈ మధ్య రణ్ బీర్ శునకాలతో పలు ఫొటోలు దిగిన ఆలియా, వాటిని ఇన్స్టాగ్రామ్ లో పోస్ట్ చేసింది. ఇక ఎప్పటిలాగనే ఈ ఫొటోలు కూడా నిమిషాల వ్యవధిలోనే వైరల్ గా మారాయి. ముఖ్యంగా, ఆలియాతో పాటూ ఉన్న శునకాలు కూడా ఫ్యాన్స్ దృష్టిని విపరీతంగా ఆకట్టుకుంటున్నాయి.

చేతినిండా సినిమాలే సినిమాలు

ప్రస్తుతానికి షూటింగ్ లు లేకపోవడంతో ఖాళీగా ఉన్నప్పటికీ ఆలియా చేతిలో పలు ఆసక్తికరమైన సినిమాలే ఉన్నాయి. బాలీవుడ్ స్టార్ డైరెక్టర్ సంజయ్ లీలా భన్సాలీ దర్శకత్వంలో గంగూభాయ్ కాథియావాడీ అనే సినిమాతో పాటూ, అయాన్ ముఖర్జీ దర్శకత్వంలో బ్రహ్మాస్త్రలోనూ హీరోయిన్ గా ఎంపికైంది. ఇక తెలుగులో రాజమౌళి ఆర్ఆర్ఆర్ లోనూ అమ్మడే హీరోయిన్ కాగా, తండ్రి మహేశ్ భట్ దర్శకత్వంలో తెరకెక్కుతున్న సడక్ 2లోనూ ఆలియా కనిపించనుంది.