77ఏళ్ల వయసులో అమితాబ్ అరాచకం.. జిమ్‌లో కసిగా వర్కౌట్స్!

బాలీవుడ్ బిగ్ బి అమితాబ్ బచ్చన్ నటుడిగా సినిమా వరల్డ్ లో ఎన్నో చరిత్రలు సృష్టించారు. యాక్టర్ గానే కాకుండా ఒక భారత పౌరుడిగా ప్రతి విషయంపై ఆయన స్పందించే తీరు జనాలను ఎంతగానో ఆకట్టుకుంటోంది. 50ఏళ్ల సినీ ప్రస్తానంలో బిగ్ బి సాధించిన విజయాలతో పాటు ఆయన చేసిన మంచి పనులు కూడా ఆయనకు ఒక స్పెషల్ క్రేజ్ అందించాయి.

ఇక 77ఏళ్ళ వయసులో కూడా అమితాబ్ చురుకుదనం చూసి చాలా మంది యంగ్ యాక్టర్స్ ఆశ్చర్యపోతుంటారు. ఒకే రకమైన ఫిట్ నెస్ తో ఆరోగ్యంగా ఉండడం ఆయనకు అలవాటు. ఇకపోతే ఇటీవల తన మనవడు అగస్త్య నందతో కలిసి ఒక స్పెషల్ ఫోటోకి పొజిచ్చిన అమితాబ్ వర్కౌట్స్ చాలా కసిగా చేస్తున్నట్లు అనిపిస్తోంది. అమితబ్ అరాచకం అంటూ నెటీజన్స్ పాజిటివ్ గా కామెంట్ చేస్తున్నారు.

'ఫైట్.. ఫిట్నెస్ కోసం ఫైట్ చేయండి.. నా మనవడిని చూసి ప్రేరణ పొందుతున్నాను' అని అమితాబ్ ట్వీట్ చేశారు. అందుకు సంబంధించిన ఫోటో సోషల్ మీడియాలో వైరల్ గా మారింది. ఇక దేశవ్యాప్తంగా ఉన్న పేద రైతులకు అమితాబ్ బచ్చన్ ప్రతి ఏడాది తన వంతు సహాయం అందిస్తున్న విషయం తెలిసిందే. లాక్ డౌన్ కారణంగా ఆర్థికంగా వెనుకబడిన కుటుంబలకు కూడా బిగ్ బి ఆర్థిక సహాయం అందిస్తున్నారు.