అందరి ముందు రణబీర్‌కి ముద్దిచ్చిన అలియా.. వైరల్ అవుతున్న వీడియో!

జీ సినిమా అవార్డ్స్

అలియా భట్, రణబీర్ కపూర్ జీ సినిమా అవార్డ్స్‌కు హాజరయ్యారు. దీపికా, రణవీర్ సింగ్ దంపతులు కూడా వీరి పక్కనే కూర్చుని ఉన్నారు. ఈ సందర్భంలో చోటు చేసుకున్న సంఘటన అక్కడున్న వారందరిని ఆశ్చర్యానికి గురి చేసింది. రణబీర్ కపూర్, అలియా భట్ ఒకరికొకరు ముద్దు పెట్టుకున్న వీడియో ప్రస్తుతం సోషల్ మీడియాలో వైరల్ అవుతోంది.

సిగ్గుపడిన అలియా

జీ సినిమా అవార్డ్స్‌లో రాజి చిత్రానికి గాను అలియా భట్ బెస్ట్ ఫిమేల్ యాక్టర్‌గా ఎంపికైంది. తన ప్రియురాలోకి అవార్డు రావడంతో రణబీర్ ఎమోషన్ ఆపుకోలేకపోయాడు. వెంటనే ఆమెని దగ్గరకు తీసుకుని లిప్ కిస్ ఇవ్వబోయాడు. కానీ అలియా భట్ సిగ్గుపడిపోయింది. లిప్ కిస్ కాకుండా చెంపపై ముద్దు పెట్టించుకుంది. రణబీర్ కపూర్‌కి కూడా అలియా తిరిగి ముద్దు ఇచ్చింది. ఈ దృశ్యాన్ని చూస్తున్నప్పుడు ఆడిటోరియం మొత్తం చప్పట్లతో మోతెక్కిపోయింది.

అలియా చేతుల మీదుగా

ఇదే ఈవెంట్‌లో రణబీర్ కపూర్‌ని కూడా ఓ అవార్డు వరించింది. సంజు చిత్రానికి గాను రణబీర్ ఉత్తమ నటుడిగా ఎంపికయ్యాడు. అలియా భట్ స్వయంగా ఈ ప్రకటన చేసి తన ప్రియుడికి అవార్డు అందించింది. ఆ తర్వాత రణబీర్ తాన్ తండ్రి రిషి కపూర్ గురించి చాలా ఎమోషనల్‌గా ప్రసంగించారు. రణబీర్ ప్రసంగానికి అలియా కూడా కంటతడి పెట్టుకుంది. ప్రస్తుతం రిషి కపూర్ అనారోగ్యంతో బాధపడుతూ యూఎస్‌లో చికిత్స పొందుతున్నారు.

బాధలన్నీ మరచిపోతాం

రణబీర్ కపూర్ తల్లి నీతూ సోషల్ మీడియాలో స్పందించింది. అలియా, రణబీర్ అవార్డు అందుకున్న ఫోటోని పోస్ట్ చేసి.. ఇలాంటి దృశ్యాలు చూసినప్పుడు అన్ని బాధలని సులభంగా మరచిపోతాం అని స్పందించింది. ప్రస్తుతం అలియా భట్, రణబీర్ కపూర్ బ్రహ్మాస్త్ర చిత్రంలో జంటగా నటిస్తున్నారు. కింగ్ నాగార్జున, అమితాబ్ బచ్చన్ ఈ చిత్రంలో కీలక పాత్రల్లో నటిస్తున్న సంగతి తెలిసిందే.