లైంగికంగా వేధిస్తే పోలీసులకు ఫిర్యాదు చేయవా? నీ తీరుపై అనుమానం!

దోషికి శిక్ష పడాల్సిందే

తను శ్రీ దత్తాని నానా పాటేకర్ లైంగికంగా వేధిస్తే మహిళల మనోభావాలు దెబ్బతిన్నట్టే భావించాలి. ఒకవేళ అందే నిజమైతే ఎవరైనా శిక్షను తప్పించుకోలేరు. అది నానా పాటేకర్ అయినా, అను కపూర్ అయినా శిక్ష అనుభవించాల్సిందే. రుజువులుంటే దోషికి శిక్ష పడుతుంది అని అను కపూర్ అన్నారు.

ప్రశ్నలకు సమాధానం చెప్పాలి

రుజువులు లేకుండా ఆరోపణలు చేస్తే వాటిపై అనేక సందేహాలు వస్తాయి. ఆరోపణలపై ఎగిసిపడే ప్రశ్నలకు జవాబు చెప్పాల్సి ఉంటుంది. నీకు అన్యాయం జరిగితే పోలీస్ స్టేషన్‌లో కేసు ఎందుకు పెట్టలేదు. మీడియా విచారణను ఎందుకు కోరుకొంటున్నావు అని అను ప్రశ్నించారు.

మీడియా సహకారం ఎందుకు

పోలీసులకు ఫిర్యాదు చేయకుండా, చట్టాల సహకారం తీసుకోకుండా మీడియా సహాయాన్ని ఎందుకు కోరుకుంటున్నావు. ఇలా మీరు వ్యవహరించడం వల్ల మీ ఆరోపణలపై అనేక సందేహాలు వ్యక్తమవుతున్నాయి.

తనుశ్రీ దత్తాకి లీగల్ నోటీసులు

తమపై తనుశ్రీ దత్తా చేసిన ఆరోపణలపై నానా, వివేక్ అగ్నిహోత్రి స్పందించారు. ఈ వివాదంలో తనుకు వారిద్దరూ లీగల్ నోటీసులు పంపించారు. తమ ప్రతిష్టను దెబ్బ తీసే విధంగా తనుశ్రీ దత్తా లైంగిక ఆరోపణలు చేశారని నోటీసుల్లో పేర్కొన్నారు.

పుణేలో ఎంఎన్ఎస్ కేసు నమోదు

ఇటీవల ఈ వివాదంలో ఎంఎన్ఎస్ అధినేత రాజ్ థాక్రేపై తనుశ్రీ దత్తా ఆరోపణలు చేయడం ఆ పార్టీ కార్యకర్తలు తీవ్రంగా స్పందించారు. పుణేలో తను శ్రీపై కేసు నమోదు చేశారు. నిరాధారమైన ఆరోపణలు చేసి రాజ్ థాక్రేను తీవ్రంగా అవమానించారని పేర్కొన్నారు.