అనుష్క-విరాట్ రిలేషన్లో స్పెషల్ మైల్‌స్టోన్... అదే ఊపులో బ్రహ్మాండం బద్దలవుతుందా?

తొలి టెస్ట్ ముగిసిన అనంతరం

భారత్-ఆస్ట్రేలియా తొలి టెస్ట్ మ్యాచ్ డిసెంబర్ 6 నుంచి 10 వరకు అడిలైడ్‌లో జరుగబోతోంది. ఈ మ్యాచ్ ముగిసిన అనంతరం టీమిండియా సభ్యులతో కలిసి అనుష్క-విరాట్ తమ పెళ్లి రోజు సెలబ్రేట్ చేసుకుంటారని తెలుస్తోంది.

‘జీరో' టీమ్ నుంచి పర్మిషన్ గ్రాంటెడ్

నెల రోజుల ముందు నుంచే అనుష్క శర్మ తమ పెళ్లి రోజు ప్లాన్ చేసుకుంటోందట. అనుష్క-విరాట్ జీవితంలో స్పెషల్ డే కావడంతో ‘జీరో' మూవీ టీమ్ నుంచి కూడా పర్మిషన్ లభించింది. విరాట్‌తో కలిసి మూడు రోజులు ఆస్ట్రేలియాలో గడిపిన అనంతరం ఆమె ఇండియా తిరిగి వస్తుందట.

ఇటలీలో ఒక్కటైన విరాట్-అనుష్క

2017 డిసెంబర్లో విరాట్ కోహ్లి-అనుష్క శర్మ ఇటలీలో టుస్కానీలో డెస్టినేషన్ వెడ్డింగ్ జరుపుకున్న సంగతి తెలిసిందే. ఇండియాలో జరిగిన అతిపెద్ద సెలబ్రిటీ వెడ్డింగ్స్‌లో ఒకటిగా ఇది నిలిచింది. ఢిల్లీలో నిర్వహించిన వెడ్డింగ్ రిసెప్షన్‌కు ప్రధాన మంత్రి నరేంద్ర మోడీ హాజరైన సంగతి తెలిసిందే.

ఆ ఉత్సాహంలో ఎవరూ సాధించలేనిది బ్రహ్మాండం సాధిస్తాడా?

పెళ్లి తర్వాత అనుష్క, కోహ్లి మరింత ఉత్సాహంగా తమ జీవితాన్ని ముందుకు నడిపిస్తున్నారు. ఎన్నో విజయాలు అందుకుంటున్నారు. ఇదే ఊపులో తొలి పెళ్లి రోజు జరుపుకున్న అనంతరం విరాట్ బ్రహ్మాండాన్ని బద్దలు కొట్టే అవకాశం ఉందని అంటున్నారు అభిమానులు. ఆస్ట్రేలియాలో ఇప్పటి వరకు భారత్ ఒక్క టెస్ట్ సిరీస్‌ను కూడా గెలవలేదు. ఈసారి ఎలాగైనా టెస్ట్ సిరీస్‌ను గెలిచి కెప్టెన్‌గా చరిత్రలో నిలిచిపోవాలని విరాట్ కోహ్లీ చూస్తున్నాడు.