Don't Miss!
- News రేవంత్ నన్ను జైల్లో వేస్తాడట..: కాంగ్రెస్ సర్కారుపై కేసీఆర్ నిప్పులు
- Sports DC vs GT: ఆ తప్పిదంతోనే ఓడిపోయాం: శుభ్మన్ గిల్
- Lifestyle పెళ్లైన వ్యక్తితో డేటింగా? కాస్త ముందు..వెనకా ఆలోచించండి..లేదంటే కొంప కొల్లేరే..!
- Technology OPPO Find X7 Ultra కెమెరా రివ్యూ! అద్భుతమైన ఫీచర్లతో, బెస్ట్ కెమెరా ఫోన్!
- Automobiles 323 కి.మీ రేంజ్తో ప్రీమియం ఎలక్ట్రిక్ బైక్ విడుదల.. ధర తెలిస్తే కొనేందుకు ఆలోచిస్తారు..!!
- Finance Market Closing: లాభాల్లో ముగిసిన సెన్సెక్స్-నిఫ్టీ.. స్పీడు పెంచిన బుల్స్..
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
కూతురుకు అనుష్కశర్మ, విరాట్ కోహ్లీ నామకరణం.. చిన్నారి పేరు వెనుక అంత ప్రాముఖ్యత ఉందంట!
బాలీవుడ్ తార అనుష్క శర్మ, భారత క్రికెట్ కెప్టెన్ విరాట్ కోహ్లీ జీవితాల్లోకి 2021 సంవత్సరం మరింత ఆనందాన్ని తీసుకువచ్చింది. తమ జీవితాల్లోకి కూతురు అడుగుపెట్టడంతో వారి ఆనందానికి ఎల్లలూ లేకుండా పోయాయి. తాజాగా తన కూతురు గురించి అనుష్క శర్మ చేసిన ట్వీట్, ఇన్స్టాగ్రామ్ పోస్టులు వైరల్గా మారాయి. తన సోషల్ మీడియా అకౌంట్లో అనుష్క శర్మ చేసిన కామెంట్లు ఏమిటంటే..
విరుష్క దంపతుల జీవితంలోకి
విరుష్క దంపతులకు జనవరి 11వ తేదీన కూతురు పుట్టిన సంగతి తెలిసిందే. తన ముద్దుల చిన్నారి రాకతో అనుష్క, విరాట్ కోహ్లి కుటుంబంతోపాటు సన్నిహితుల్లో సంతోషం నెలకొన్నది. ఈ సందర్భంగా విరుష్క దంపతులకు సోషల్ మీడియాలో అభినందనల సందేశాలు సునామీలా వెలువెత్తాయి.
కూతురుకు వమికాగా నామకరణం
ఇక అనుష్క, విరాట తమ కూతురుకు వమికా అనే నామకరణం చేశారు. తమ కూతురును ప్రేమతో ముద్దాడుతూ ఉన్న ఫోటోను ఇన్స్టాగ్రామ్లో షేర్ చేశారు. ఈ సందర్భంగా తమ కూతురు పేరును కూడా పోస్టులో ప్రస్తావించారు. ఫోటోతో అనుష్క, విరాట్ భావోద్వేగానికి గురయ్యారు. తమ భావోద్వేగాన్ని ఇన్స్టాగ్రామ్, ట్విట్టర్ పోస్టుల ద్వారా అభిమానులతో పంచుకొన్నారు.
Recommended Video
మా జీవితాన్ని మరో లెవెల్కు
తన కూతురు గురించి సోషల్ మీడియాలో అనుష్క శర్మ ఎమోషనల్ అయ్యారు. ఈ సందర్భంగా మేము అద్భుతమైన ప్రజెన్స్, గ్రాటిట్యూడ్, లవ్తో కలిసి జీవించాం. కానీ మా చిన్నారి వమికా మాత్రం మా జీవితాలను ఊహించని విధంగా మరో లెవెల్కు తీసుకెళ్లారు. చిన్నారి మా జీవితాల్లోకి ప్రవేశించిన కొన్ని క్షణాల్లోనే ఆనందభాష్పాలు, సంతోషం, బాధ, ఉద్ద్వేగం లాంటి అంశాలు మాలో కలిగాయి అంటూ పోస్టులో వెల్లడించారు.
వమికా పేరుకు అర్ధం ఏమిటంటే...
ఇక వమికా పేరు హిందూ శాస్త్రాల ప్రకారం అర్ధం ఏమిటంటే.. వమికా అంటే దుర్గామాత అని అర్థం. వమికా అంటూ శక్తికి మరోపేరుగా శాస్త్రాలు పేర్కొంటున్నాయి. తాము ఆరాధించే దుర్గామాత పేరునే వమికాగా విరాట్, అనుష్కలు తమ కూతురుకు నామకరణం చేయడం విశేషం. ఏది ఏమైనా విరాట్, అనుష్క జీవితాల్లో వమికా మరింత ఆనందాన్ని నింపుతున్నట్టు స్పష్టమైంది.