హీరోతో కలసి హాస్పిటల్‌లో నటి.. పెళ్ళికి ముందే గర్భం?

నాలుగు పదుల వయసులో కూడా

హాట్ బ్యూటీ మలైకా అరోరా నాలుగు పదుల వయసులో కూడా కుర్ర హీరో అర్జున్ కపూర్ తో ప్రేమ వ్యవహారాలు సాగిస్తోంది. అర్భాజ్ ఖాన్ నుంచి విడిపోయాక మలైకా లవ్ ఎఫైర్ బాలీవుడ్ అంతటా చర్చనీయాంశంగా మారింది. 1998లో సల్మాన్ ఖాన్ సోదరుడు అర్భాజ్ ఖాన్ ని మలైకా వివాహం చేసుకుంది. దాదాపు 18 ఏళ్ల దాంపత్య జీవితం తర్వాత విభేదాలతో మలైకా అర్భాజ్ ఖాన్ నుంచి విడిపోయింది. వీరిద్దరికి ఓ కొడుకు కూడా ఉన్నాడు.

త్వరలో వివాహం

మలైకా కన్నా అర్జున్ కపూర్ వయసులో దాదాపు 12 ఏళ్ళు చిన్న వాడు. మలైకా వయసు 45 ఏళ్ళు. తమ గురించి ఎవరేమనుకున్నా ఈ జంట మాత్రం పబ్లిక్ గా తిరుగుతూ ప్రేమలో ఎంజాయ్ చేస్తున్నారు. ఇటీవల వీరిద్దరూ మాల్దీవులకు టూర్ వెళ్లొచ్చిన సంగతి తెలిసిందే. అప్పటి నుంచి వీరి వివాహం గురించి చర్చ జరుగుతోంది. మలైకా, అర్జున్ కపూర్ ఇక వివాహ బంధంతో ఒక్కటి కావాలని డిసైడ్ అయినట్లు వారి సన్నిహితులు చెప్పుకొచ్చారు.

ఆసుపత్రిలో మలైకా

మలైకా, అర్జున్ కపూర్ పెళ్లి గురించి చర్చ జరుగుతున్న సమయంలో మరో ఆసక్తికర ప్రచారం మొదలైంది. ఇటీవల మలైకా, అర్జున్ కపూర్ జంట ముంబైలోని లీలావతి ఆసుపత్రిలో కనిపించారు. వైరల్ భయాని ఈ విషయాన్ని సోషల్ మీడియా ద్వారా తెలియజేశాడు. మలైకా, అర్జున్ కపూర్ ఆసుపత్రి నుంచి బయటకు వస్తున్న వీడియోని కూడా పోస్ట్ చేశాడు. దీనితో నెటిజన్లలో ఊహాగానాలు పెరిగిపోయాయి. మలైకా అరోరా గర్భవతి అయ్యిందా అటూ చర్చ జరుగుతోంది.

మీడియాకు చిక్కకుండా

ఆసుపత్రి నుంచి బయటకు వస్తూ అర్జున్ కపూర్, మలైకా మీడియాకు చిక్కకుండా వేగంగా వెళ్లిపోయారు. వీరిద్దరూ ఎంఆర్ఐ, సీటి స్కాన్ విభాగాల భవనం నుంచి బయటకు రావడంతో చర్చ మరింతగా జరుగుతోంది. అర్జున్ కపూర్, మలైకా చాలా కాలంగా సహజీవనం చేస్తున్నారు. ఇప్పుడు ఆసుపత్రిలో వీరిద్దరూ జంటగా కనిపించడంతో మలైకా గర్భవతి అయిందనే ఊహాగానాలు జోరందుకున్నాయి.