నటుడు, ఎంపీ సన్నీడియోల్‌కు కరోనా పాజిటివ్.. వరుస దెబ్బలతో మనాలి నుంచి ముంబైకి..

భుజానికి గాయంతో మనాలీ ఫామ్‌హౌజ్‌లో

భుజానికి గాయం కావడంతో కొద్ది రోజులుగా సన్నీడియోల్ హిమాచల్ ప్రదేశ్‌లో ఉంటున్నారు. కుల్లు జిల్లాలోని మనాలీలోని తన ఫామ్ హౌజ్‌లో గాయం నుంచి ఉపశమనం పొందేందుకు చికిత్స తీసుకొంటున్నారు. అలాంటి పరిస్థితుల్లో ఆయన కరోనా బారిన పడ్డారు.

మనాలి నుంచి ముంబైకి

తనకు కరోనావైరస్ పాజిటివ్ అని తేలగానే సన్నీ డియోల్ మనాలీ నుంచి వెంటే ముంబైకి వెళ్లిపోయారు. మెరుగైన చికిత్స కోసం ముంబైలోని ప్రముఖ హాస్పిటల్‌లో చేరారు అనే విషయాన్ని ఆయన సన్నిహితులు వెల్లడించారు.

స్వయంగా ట్విట్టర్‌ ద్వారా

తనకు కరోనావైరస్ పాజిటివ్ అనే విషయాన్ని ట్విట్టర్ ద్వారా సన్నీడియోల్ స్వయంగా వెల్లడించారు. నేను ఇటీవల కరోనావైరస్ టెస్టులు చేయించుకొన్నాను. నాకు పాజిటివ్ అనే విషయం పరీక్షల్లో బయటపడింది. ప్రస్తుతం నా ఆరోగ్యం బాగుంది. కొద్ది రోజుల నుంచి ఎవరైనా నన్ను కలిస్తే వారు కూడా టెస్టులు చేయించుకోండి. దయచేసి గృహ నిర్బంధంలో ఉంటూ.. ఆరోగ్యాన్ని మెరుగుపరుచుకోండి అంటూ సన్నిడియోల్ పేర్కొన్నారు.

Kriti Sanon To Play Sita In Prabhas Starrer Adipurush?

సన్నీడియోల్ కెరీర్ గురించి

ఇక సన్నీడియోల్ కెరీర్ విషయానికి వస్తే.. దర్శకుడు అనిల్ శర్మ రూపొందించిన అప్నే చిత్రానికి సీక్వెల్‌తో సిద్ధమవుతున్నాడు. ఈ చిత్రంలో డియోల్ ఫ్యామిలీకి చెందిన మూడు తరాలు వెండితెరపైన కనిపించబోతున్నారు. తండ్రి ధర్మేంద్ర, సోదరుడు బాబీ డియోల్, కుమారుడు కరణ్ డియోల్‌తో ఆయన కలిసి నటిస్తున్నారు. త్వరలోనే ఈ చిత్రం సెట్స్‌పైకి వెళ్లనున్నది.