ఆ ఒత్తిడులతో నలిగిపోయా.. యాక్టింగ్‌కు దంగల్ హీరోయిన్ గుడ్ బై

ఆ నిర్ణయం నా జీవితాన్ని మార్చివేసింది

‘ఐదు సంవత్సరాల క్రితం నేను తీసుకున్న నిర్ణయం నా జీవితాన్ని పూర్తిగా మార్చివేసింది. నేను బాలీవుడ్ చిత్ర సీమలో అడుగు పెట్టినపుడు మంచి గుర్తింపు, పాపులారిటీ వచ్చింది. ఎంతో మంది నన్ను ఆదరించారు. యువతకు రోల్ మోడల్‌గా పేర్కొన్నారు.'' అని జైరా వాసిం వ్యాఖ్యానించారు.

చాలా కష్టపడ్డా, జీవనశైలి మార్చుకున్నాను

చాలా రోజులుగా నేను మంచి నటిగా గుర్తింపు తెచ్చుకోవాలని కష్టపడుతూనే ఉన్నాను. నా జీవనశైలిని మార్చుకుంటూ ముందుకు వెళ్లాను. ఈ క్రమంలో నేను ఓ విషయంలో రియలైజ్ అయ్యాను. ఇక్కడ నేను ఫిట్ అయినప్పటికీ, ఈ ఇండస్ట్రీలో ఉండాల్సిన వ్యక్తిని కాదు అని అర్థమైంది... అని జైరా వాసిం చెప్పుకొచ్చారు.

ముస్లిం మతానికి చెందిన వ్యక్తిని కావడం వల్లేb

నిజానికి ఈ పరిశ్రమ నాకు మద్దతు ఇవ్వడంతో పాటు ప్రేమను, ప్రోత్సాహాన్ని ఇచ్చింది. ఈ క్రమంలో నేను కొన్ని ఊహించని పరిణామాలు కూడా ఎదుర్కొన్నాను. అదే ఈ ఇండస్ట్రీపై నమ్మకం కోల్పోయేలా చేసింది. ముస్లిం మతానికి చెందిన వ్యక్తిని కావడం వల్ల చాలా ఇబ్బందికర పరిస్థితులు, బెదిరింపులు ఎదురొన్నట్లు... జైరా వాసిం తెలిపారు.

అల్లాతో నా బంధం చెడిపోయేలా ఉంది

నేను ఎదుర్కొంటున్న పరిస్థితుల నుంచి బయట పడేందుకు ప్రయత్నించినప్పటికీ నా వల్ల కావడం లేదు. ఈ విషయంలో నేను పూర్తిగా ఓడిపోయాను. నాలోని ప్రశాంతతను, నా విశ్వాసాలను, అల్లాతో నా రిలేషన్ చెడిపోయే విధంగా ఉన్న ఈ వాతావరణంలో ఉండలేక పోతున్నాను. అందుకే నటనకు స్వస్థి చెప్పి బాలీవుడ్‌కు దూరంగా ఉండాలని నిర్ణయించుకున్నట్లు జైరా వాసిం తెలిపారు.