Don't Miss!
- Sports RR vs DC: కన్నీటి పర్యంతమైన రియాన్ పరాగ్!
- News గ్యాంగ్స్టర్, రాజకీయ నేత ముఖ్తార్ అన్సారీ గుండెపోటుతో మృతి
- Lifestyle Love Horoscope For April 2024:ఈ రాశులకి ఏప్రిల్ లో LOVE సక్సెస్ అవుతుంది..మరికొందరికి అడ్డంకులు తప్పవు
- Technology రియల్మి కొత్త ఫోన్ టీజర్ విడుదల.. సెగ్మెంట్లోనే సన్నని డిజైన్ సహా కీలక ఫీచర్లు..!
- Automobiles 6 కోట్ల కస్టమర్లతో భారత్లో హోండా తిరుగులేని రికార్డు.. ఎక్కువగా వీటిపైనే క్రేజ్.!!
- Finance Stock Market: లాభాల్లో ముగిసిన సూచీలు.. మార్కెట్ ర్యాలీకి 5 కారణాలివే..
- Travel చారిత్రాత్మకమైన నగరమైన గ్వాలియర్లో సందర్శించాల్సిన ప్రదేశాలివే..!
థియేటర్స్ రికార్డులు చచ్చినట్లే..స్టార్ హీరోలకు మరో దిక్కు లేదు..సీనియర్ డైరెక్టర్ షాకింగ్ కామెంట్స్
రోజురోజుకి కరోనా వైరస్ కేసుల సంఖ్య పెరుగుతుండడంతో అందరిలో ఒక తెలియని భయం కలుగుతోంది. పరిస్థితులు త్వరలో అదుపులోకి వస్తాయని నిపుణులు చెబుతున్నప్పటికీ ఆర్థికంగా కొన్ని ఇబ్బందులు తప్పవని మరికొందరు అంటున్నారు. ఇక సినిమా ఇండస్ట్రీ ముందు రోజుల్లో మరిన్ని సమస్యలను ఎదుర్కోబోతున్నట్లు తెలుస్తోంది. బాలీవుడ్ సీనియర్ నటుడు, దర్శకుడు శేఖర్ కపూర్ కూడా ఈ విషయంలో సంచలన వ్యాఖ్యలు చేశారు.
ఆశగా ఎదురుచూస్తున్నారు..
కరోనా వైరస్ ధాటికి థియేటర్స్ మూతపడి ఇప్పటికే నాలుగు నెలలు దాటింది. సమ్మర్ లో రిలీజ్ కావాల్సిన సినిమాలు చాలా వరకు పెండింగ్ లో ఉన్నాయి. థియేటర్స్ ఓపెన్ అయితే సినిమాలను రిలీజ్ చేయాలని చాలా మంది నిర్మాతలు ఎంతో ఆశగా ఎదురుచూస్తున్నారు. కానీ పరిస్థితులు ఇప్పట్లో అనుకూలించేలా కనిపించడం లేదని చాలా మంది ఆశలు వదులుకున్నారు.
100కోట్ల బిజినెస్ చచ్చిపోయింది
ఇక కొందరు ఆర్థికంగా మరింత నష్టపోవడం ఇష్టం లేక ఓటీటీ ఫ్లాట్ ఫార్మ్ లోనే సినిమాలను డైరెక్ట్ గా రిలీజ్ చేస్తున్నారు. అలాగే స్టార్ హీరోలకు కూడా మరొక దిక్కు లేదని మొదటి వారం 100కోట్ల బిజినెస్ అనేది చచ్చిపోయింది అంటూ బాలీవుడ్ ప్రముఖ దర్శకుడు శేఖర్ కపూర్ సోషల్ మీడియా ద్వారా స్పందించారు. మరో ఏడాది వరకు థియేటర్స్ అనేవి ఓపెన్ అయ్యే అవకాశం లేదని ఆయన వివరణ ఇవ్వడం హాట్ టాపిక్ గా మారింది.
స్టార్స్ కి మరో దిక్కు లేదు..
థియేట్రికల్ రిలీజ్ అనేది కూడా చచ్చిపోయింది అంటూ.. స్టార్స్ ఇక ఓటీటీ వైపు అడుగుకు వేయక తప్పదని లేదా సొంతంగా యాప్ లను క్రియేట్ చేసుకొని అందులో సినిమాలను ప్రసారం చేసుకోవాలని అన్నారు. అది తప్పితే స్టార్స్ కి మరొక దిక్కు లేదని టెక్నాలజీ ద్వారా సింపుల్ గా వాడుకోవాలని శేఖర్ కపూర్ వివరణ ఇచ్చిన తీరు కొత్త చర్చలకు దారి తీస్తోంది.
Recommended Video
థియేటర్స్ ఓపెన్ అయినా కూడా..
బాలీవుడ్ స్టార్ యాక్టర్ ఆ విధంగా కామెంట్ చేయడం బాలీవుడ్ జనాలను కాస్త ఆలోచింపజేస్తోంది. ఎందుకంటే ఇప్పటికే చాలా మంది సినిమా ఇండస్ట్రీలో ఆర్థికంగా చాలా నష్టపోయారు. థియేటర్స్ ఓపెన్ అవుతాయని ఎంతో ఆశగా ఎదురుచూస్తున్నారు. కానీ థియేటర్స్ ఓపెన్ అయినా కూడా ఇప్పట్లో మొదటివారంలో 100కోట్ల బిజినెస్ అనేది చచ్చినట్లే అని వివరణ ఇవ్వడంతో మీడియాలో హాట్ టాపిక్ గా మారింది.