యూ ట్యూబ్ వ్యూవ్స్ కోసం బాలీవుడ్ సింగర్ భారీ స్కామ్.. ఇతర స్టార్స్ పై కూడా అనుమానాలు?

బాలీవుడ్ ర్యాపర్ స్కామ్

బాలీవుడ్ ర్యాపర్ సింగర్ బాద్ షా ఇటీవల తన పాగల్ హై సాంగ్ ను యూ ట్యూబ్ లో రిలీజ్ చేశాడు. అయితే మొదటి రోజే అతను రికార్డు స్టయిల్ వ్యూవ్స్ అందుకోవాలని ప్రయత్నం చేసినట్లు ఆరోపణలు రాగా ముంబై పోలీసులు ఆరా తీశారు. అయితే అది నిజమేనని పోలీసులు కూడా చెబుతుండడం హాట్ టాపిక్ గా మారింది.

72 లక్షలతో ఒప్పందం

యూ ట్యూబ్ లో 24గంటల్లో అత్యదిక వ్యూవ్స్ వచ్చే విధంగా బాద్ షా ఒక ఫ్రాడ్ కంపెనీతో దాదాపు 72 లక్షలతో ఒప్పందం కుదుర్చుకున్నట్లు ఆరోపణలు వచ్చాయి. అనుకున్నట్లుగానే 75మిలియన్స్ వ్యూవ్స్ తో గత యూ ట్యూబ్ రికార్డులను ఈ సాంగ్ బ్రేక్ చేసింది. అయితే గూగుల్ ఈ వ్యూవ్స్ ని కొట్టిపారేసింది. అనంతరం పోలీసులు కూడా ఫేక్ ఫాలోవర్స్, ఫేక్ వ్యూవ్స్ పై ఆరా తీశారు.

న్యాయం పోరాటం చేస్తా..

అదే విధంగా ర్యాపర్ ని ఇటీవల పోలీసులు గంటల తరబడి విచారించారు. అయితే ఫేక్ వ్యూవ్స్ అంటూ వస్తున్న ఆరోపణలను బాద్ షా కొట్టి పారేశారు. తనకు ఆ అవసరం లేదని అంటూ తనపై అనవసరంగా కొందరు ఆరోపణలు చేస్తున్నారని అన్నారు. అదే విధంగా ఈ విషయాన్ని తాను అంత తేలిగ్గా తీలుకొనని చట్టపరమైన విధానాలతో న్యాయం పోరాటం చేస్తానని బాద్ షా వివరణ ఇచ్చారు.

ఒక్కసారి ఆ అకౌంట్స్ పై లుక్కేస్తే..

ఇక బాద్ షాతో పాటు చాలా మంది సినీ సెలబ్రెటీస్ ఇదే దారిలో నడుస్తున్నారు అనే కామెంట్స్ వస్తున్నాయి. ఫేక్ సోషల్ మీడియా ఎకౌంట్స్ ని క్రియేట్ చేసి సెలబ్రెటీస్ తమ ఫాలోవర్స్ సంఖ్యను కావాలనే పెంచుకుంటున్నారనే కామెంట్స్ వస్తున్నాయి. ఒక్కసారి ఎకౌంట్స్ పై సెర్చింగ్ కొనసాగితే ప్రస్తుతం స్టార్ సెలబ్రెటీస్ ఫాలోవర్స్ సంఖ్య సగానికి పైగా తగ్గే అవకాశం ఉన్నట్లు కామెంట్స్ వస్తున్నాయి.