Shah Rukh Khan: ఆ వాచ్ ధర తెలిస్తే షారుక్ రేంజ్ ఏంటో అర్ధమవుతుంది.. బాబోయ్ మామూలు రిచ్ కాదు!

షారుక్ ఖాన్ హై రేంజ్..

బాలీవుడ్ బాద్షాగా తనకంటూ ఒక ప్రత్యేకమైన స్టార్ ఇమేజ్ ను అందుకున్న షారుక్ ఖాన్ ఎలాంటి డ్రెస్ వేసుకున్నా కూడా సోషల్ మీడియాలో వైరల్ అవుతూ ఉంటాడు. అంతేకాకుండా అతని హెయిర్ స్టైల్ నుంచి కాలి షూస్ వరకు కూడా ధర ఎంత ఉంటుంది అనే విషయంలో చాలామంది చర్చించుకుంటూ ఉంటారు. ఆ విధంగా షారుక్ ఖాన్ తన రేంజ్ ను పెంచుకుంటూ వస్తున్నాడు.

కసితో హీరో అయ్యాడు

ఒకప్పుడు షారుక్ ఖాన్ కూడా పది రూపాయల కోసం కష్టపడిన సందర్భాలు చాలానే ఉన్నాయి. ఎన్నో బాలీవుడ్ స్టూడియోల చుట్టూ అతను చెప్పులు అరిగేలా తిరిగిన రోజులు కూడా ఉన్నాయి. ఇక అతనిలోని కసి స్టార్ హీరో అయ్యేలా చేసింది. ఇప్పుడు బాలీవుడ్ ఇండస్ట్రీలో అతను అత్యధిక పారితోషషికం అందుకుంటున్న హీరోలలో ఒకరు. ఎన్నో ఇండస్ట్రీ హిట్స్ చూసిన షారుక్ ఖాన్ పలు బిజినెస్లలో కూడా మంచి లాభాలను అందుకున్నాడు.

మరోసారి వాచ్ తో వైరల్

ఇక షారుక్ ఖాన్ కు సంబంధించిన ప్రతి వార్త కూడా సోషల్ మీడియాలో వైరల్ అవుతూనే ఉంటుంది. ప్రస్తుతం అతను ధరించిన ఒక వాచ్ గురించి కూడా అనేక రకాలు కథనాలు వెలువడుతున్నాయి. గతంలోనే షారుక్ ఖాన్ వివిధ రకాల కాస్ట్లీ వాచ్ లను ధరించి మీడియాను ఆకర్షించాడు. ఇక ఇప్పుడు కూడా అతను ఒక బ్రాండెడ్ వాచ్ ను ధరించి ఆడియన్స్ దృష్టిని ఆకర్షించాడు.

ధర ఎంతంటే..

షారుఖ్ ఖాన్ ధరించిన వాచ్ వివరాల్లోకి వెళితే.. అది బ్లూ సిరామిక్ ఏపీ పర్మనెంట్ క్యాలెండర్ వాచ్‌ అని కామెంట్స్ వస్తున్నాయి. ఇక దని ధర 600,000 డాలర్స్ అని అంటున్నారు. అంటే మన ఇండియన్ కరెన్సీ లో దాదాపు రూ. 4.9 కోట్లు ఉంటుందట. ప్రపంచంలో అత్యంత ఖరీదైన వాచెస్‌ లో ఇది ఒకటిగా పరిగణించబడుతుందని ఫ్యాన్స్ కామెంట్ చేస్తున్నారు. ఇక ఈ వాచ్ తయారీలో గోల్డ్ ఎక్కువగా వాడడం వలన ఎక్కువ ధరని కలిగి ఉందట.

రిచెస్ట్ బాలీవుడ్ హీరో

ఇక ప్రస్తుతం ప్రపంచవ్యాప్తంగా అత్యంత ధనవంతులైన సినీ తారలలో బాలీవుడ్ స్టార్ హీరో షారుక్ ఖాన్ కూడా టాప్ ఫైవ్ లిస్టులో ఉన్నట్లుగా తెలుస్తోంది. ఇక షారుక్ ఖాన్ ఆస్తుల విలువ అయితే 770 మిలియన్ల డాలర్లకు పైగా ఉంటుంది అని తెలుస్తోంది.

ఇంకా అతనికి దుబాయ్ లో అమెరికాలో అలాగే వివిధ దేశాల్లో కూడా ఆస్తులు ఉన్నట్లుగా బాలీవుడ్ మీడియాలో కథనాలు వెలువడుతున్నాయి. ఇక ప్రస్తుతం అయితే ఈ హీరో నుంచి పటాన్ సినిమా విడుదలకు సిద్ధంగా ఉన్న విషయం తెలిసిందే.