శ్రీదేవి డెత్ సీన్: ప్రియా వారియర్‌ టీజర్ చూసి హర్ట్ అయిన బోనీ కపూర్, లీగల్ నోటీసులు!

లీగల్ నోటీసులు పంపిన బోనీ కపూర్

ఈ నేపథ్యంలో శ్రీదేవి భర్త బోనీ కపూర్ ‘శ్రీదేవి బంగ్లా' దర్శక నిర్మాతలకు లీగల్ నోటీసులు పంపారు. లీగల్ నోటీసులు అందిన విషయాన్ని దర్శకుడు ప్రశాంత్ మాంబల్లి ధృవీకరించారు. మా సినిమా ఒక సస్పెన్స్ థ్రిల్లర్. శ్రీదేవి అనేది కామన్ నేమ్ అని బోనీకి కూడా చెప్పాను. ఒక నటి పాత్ర చుట్టూ సినిమా ఉంటుంది. ఈ లీగల్ నోటీసులు ఎదుర్కోవడానికి తాము సిద్ధమే అని ప్రకటించారు.

ప్రియా వారియర్ మౌనం

ఈ చిత్రం అతిలోక సుందరి శ్రీదేవి జీవితం ఆధారంగా తెరకెక్కిందా? లేదా? అనే విషయంపై స్పందించడానికి ప్రియా వారియర్ నిరాకరించారు. సినిమా విడుదలయ్యే వరకు ఈ విషయం సస్పెన్స్ గానే ఉంచదలుచుకున్నట్లు తెలిపారు. లీగల్ నోటీసులపై స్పందించాలని హీరోయిన్ తండ్రిని మీడియా వారు కోరగా... అది దర్శక నిర్మాతలనే అడగాలని సూచించారు.

సంచలనం కోసమేనా?

సంచలనం కోసమే శ్రీదేవి పేరు ఈ సినిమాలోని పాత్రకు వాడుకోవడంతో పాటు... ఆమె చనిపోయిన విధంగా బాత్ టబ్ సీన్లు క్రియేట్ చేశారని తెలుస్తోంది. మరి ప్రయత్నం ప్రియా వారియర్ బాలీవుడ్ ఎంట్రీకి ఏ మేరకు ప్లస్సవుతుందో చూడాలి.

ప్రియా వారియర్

కాగా... ప్రియా వారియర్ నటించిన తొలి చిత్రం ‘ఓరు అడర్ లవ్' తెలుగు తెలుగులో ‘లవర్స్ డే' గా విడుదల కాబోతోంది. ఈ చిత్రాన్ని ఫిబ్రవరి 14న రిలీజ్ చేసేందుకు ప్లాన్ చేస్తున్నారు.