అందవిహీనంగా దీపిక పదుకోన్: ‘ఛపాక్’ ఫస్ట్ లుక్ షాకింగ్

దీపిక లుక్ చూసి షాకవుతున్న ఫ్యాన్స్

'ఛపాక్' మూవీ షూటింగ్ మొదలైన సందర్బంగా సోమవారం(మార్చి 25)న ఈ మూవీ ఫస్ట్ లుక్ విడుదల చేశారు. దీపిక లుక్ చూసి అభిమానులు షాకవుతున్నారు. కలలో కూడా ఆమెను అభిమానులు ఎప్పుడూ ఇలా ఊహించి ఉండరు.

ఈ పాత్ర చేస్తున్నందుకు గర్వంగా ఫీలవుతున్న దీపిక

ఛపాక్ గురించి దీపిక వెల్లడిస్తూ.. 'గాయపడి, గెలిచిన వ్యక్తి కథ. మనిషి యొక్క బలమైన ఆత్మవిశ్వాసాన్ని తెలిజేసే కథ. ఇలాంటి కథ చేయబోతున్నందుకు గర్వంగా ఉంది. ఫాక్స్ స్టార్ స్టూడియోస్ భాగస్వామ్యంతో ఈ సినిమా రాబోతోంది' అని తెలిపారు.

మాల్తి పాత్రలో దీపిక

ఈ చిత్రంలో దీపిక పదుకోన్ మాల్తి అనే పాత్రలో కనిపించబోతున్నారు. మల్తి పాత్ర తన జీవితాంతం గుర్తుండిపోయేలా ఉంటుందని దీపిక తెలిపారు. దీపిక లక్ష్మీ అగర్వాల్ పాత్ర పోషిస్తుండగా ఆమె భర్త, పాత్రికేయుడు అలోక్‌ దీక్షిత్‌ పాత్రలో విక్రాంత్‌ మస్సే కనిపించనున్నారు.

రిలీజ్ ఎప్పుడంటే

జనవరి 10, 2020న ఈ చిత్రాన్ని విడుదల చేసేందుకు ప్లాన్ చేస్తున్నారు. దీపిక పదుకోన్ కెరీర్లో ది బెస్ట్ మూవీగా నిలిచేలా ఈ చిత్రం ఉంటుందట. ఆమె ఈ చిత్రానికి సహ నిర్మాత కూడా.