Click it and Unblock the Notifications
కూలీ నంబర్ 1పై ప్రధాని మోదీ ప్రశంసలు, మీ నిర్ణయం సూపర్బ్
బాలీవుడ్ చిత్రం కూలీ నంబర్ 1 సినిమా యూనిట్పై ప్రధాని నరేంద్రమోదీ ప్రశంసల వర్షం కురిపించారు. సినిమా సెట్లో, షూటింగ్ జరిగే ప్రాంతంలో ప్లాస్టిక్ ఉయోగించకూడదని తీసుకున్న నిర్ణయంపై ప్రధాని మోదీ హర్షం వ్యక్తం చేశారు. వరుణ్ ధావన్, సారా అలీ ఖాన్ జంటగా నటిస్తున్న ఈ చిత్ర షూటింగ్లో ప్లాస్టిక్ను వాడకూడదని నిర్ణయం తీసుకొన్నట్టు హీరో వరుణ్ ట్వీట్ చేశారు.
ప్లాస్టిక్ రహిత దేశంగా మారడానికి ప్రధాని నరేంద్రమోదీ చేస్తున్న కృషి అద్భుతం. ఆ కార్యక్రమానికి మా వంతుగా మేము అండగా నిలువాలని అనుకొన్నాం. అలాగే కూలీ నంబర్ 1 షూటింగ్లో ప్లాస్టిక్ బాటిళ్లకు బదులుగా స్టీల్ బాటిల్స్ ఉపయోగించాలని నిర్ణయం తీసుకొన్నాం అని వరుణ్ ధావన్ ట్వీట్ చేశారు.
హీరో వరుణ్ ధావన్ చేసిన ట్వీట్కు ప్రధాని నరేంద్రమోదీ స్పందించాడు. కూలీ నంబర్ 1 టీమ్ తీసుకొన్న నిర్ణయం సూపర్బ్. దేశాన్ని ప్లాస్టిక్ కోరల్లో నుంచి విముక్తి చేయడానికి చేస్తున్న ప్రయత్నానికి కూలీ నంబర్ 1 టీమ్ సహకరించడం ఆనందంగా ఉంది అంటూ నరేంద్రమోదీ ట్వీట్ చేశారు.
90వ దశకంలో తెలుగులో ఘన విజయం సాధించిన కూలీ నంబర్ 1 చిత్రం ప్రస్తుతం అదే పేరుతో హిందీలో రీమేక్ అవుతున్నది. వెంకటేష్, టబు జంటగా నటించగా.. ప్రస్తుతం వరుణ్ ధావన్, సారా అలీ ఖాన్ ఆ పాత్రలో నటిస్తున్నారు.
Continue with Google