Don't Miss!
- News YS Jagan ఎన్నికల సమరశంఖం నేడే: "మేమంతా సిద్ధం" 21రోజులపాటు; నేడు షెడ్యూల్ ఇలా!!
- Sports అతనిపై ధోనీ స్పెషల్ ఫోకస్- రుతురాజ్
- Finance Layoffs News: వందలాది మందికి టెలికాం దిగ్గజం లేఆఫ్స్.. 10 నిమిషాల వీడియో కాల్లో..
- Lifestyle భర్త రతి మన్మధుడు అయితే ?, కెవ్వుకేక, తాత ముత్తాతల ఆచారం అదుర్స్
- Automobiles రూ. 79,000 కే హీరో Pleasure Plus Xtec Sports వేరియంట్ లాంచ్.. ఫీచర్లు అదరహో.!!
- Technology లోక్సభ ఎన్నికల తర్వాత మొబైల్ రీఛార్జ్ టారిఫ్ల ధరలు పెరిగే ఛాన్స్.. పూర్తి వివరాలు..!
- Travel నేటి నుంచే సింహాచలంలో మహాయజ్ఞం ప్రారంభం..
ప్రభాస్ సినిమాపై కరోనా ఎఫెక్ట్: అదిరిపోయే ప్లాన్ చేసిన ‘ఆదిపురుష్’ యూనిట్
టాలీవుడ్ స్టార్ హీరో యంగ్ రెబెల్ స్టార్ ప్రభాస్ బాలీవుడ్లోకి ఎంట్రీ ఇస్తున్న చిత్రం 'ఆదిపురుష్'. చారిత్రాత్మక చిత్రాల దర్శకుడు ఓం రౌత్ రూపొందిస్తోన్న ఈ సినిమా.. రామాయణం నాటి కథతో వస్తోంది. పాన్ ఇండియా రేంజ్తో ఐదు భాషల్లో దీన్ని తెరకెక్కిస్తున్నారు. ఎన్నో అంచనాల నడుమ భారీ స్థాయిలో రాబోతున్న ఈ సినిమా షూటింగ్ శరవేగంగా సాగుతోంది. ఇలాంటి సమయంలో మహారాష్ట్రలో కరోనా కేసులు ఎక్కువవుతోన్న నేపథ్యంలో దీనిపై భారీగా ఎఫెక్ట్ పడినట్లు తెలుస్తోంది. ఈ నేపథ్యంలో చిత్ర యూనిట్ అదిరిపోయే ప్లాన్ రెడీ చేసుకున్నట్లు ఓ న్యూస్ లీకైంది.
ముంబై నగరంలో కరోనా పాజిటివ్ కేసులు అంతకంతకూ పెరిగిపోతున్నాయి. దీంతో సినిమా షూటింగ్ల విషయంలో పరిమితులు విధించే పరిస్థితులు వచ్చాయి. ఈ నేపథ్యంలో 'ఆదిపురుష్' టీమ్ షూటింగ్ స్పాట్కు కేవలం 24 మంది సభ్యులనే అనుమతించినట్లు తెలుస్తోంది. అంతకు మించి ఒక్క వ్యక్తిని కూడా చిత్రీకరణ ప్రదేశానికి అనుమతించకుండా ప్లాన్ చేసుకున్నట్లు బీ టౌన్లో ఓ న్యూస్ చక్కర్లు కొడుతోంది. ఇందులో భాగంగానే చిన్న చిన్న సన్నివేశాలను చిత్రీకరిస్తున్నారట. ఒకవేళ పరిస్థితి చేయి దాటితే.. వీఎఫ్ఎక్స్ వర్క్స్ పార్టును కొనసాగించి, షూటింగ్ ఆపేసే అవకాశం కూడా ఉందని సమాచారం.
ఎంతో ప్రతిష్టాత్మకంగా రూపొందుతోన్న 'ఆదిపురుష్' షూటింగ్ ముంబై నగర శివారులోని మధ ద్వీపంలో జరుగుతోంది. ఇందులో సైఫ్ అలీ ఖాన్ సహా పలువురు కీలక నటులపై ముఖ్యమైన సన్నివేశాలను చిత్రీకరిస్తున్నారు. ఇక, ఈ సినిమాను టీ సిరీస్ బ్యానర్పై భూషణ్ కుమార్, కృష్ణ కుమార్, ప్రసాద్ సుతార్, రాజేష్ నాయర్లు సంయుక్తంగా నిర్మిస్తున్నారు. చెడు మీద మంచి గెలవడం అనే కాన్సెప్ట్తో వస్తున్న ఈ చిత్రంలో ప్రభాస్ రాముడిగా, సైఫ్ రావణుడిగా చేస్తున్నారు. టాల్ బ్యూటీ కృతి సనన్ సీతగా చేస్తోంది. సన్నీ సింగ్ లక్ష్మణుడి పాత్రను పోషిస్తున్నాడు.