సినీ పరిశ్రమపై కరోనా కోలుకోలేని దెబ్బ.. ఎన్ని వేల కోట్ల నష్టమంటే..

ప్రతీ ఏటా 2 వేల సినిమాలు

ప్రతీ ఏటా దేశంలో అన్ని భాషల్లో కలిపి దాదాపు 2 వేల సినిమాలు రిలీజ్ అవుతున్నాయి. 2019లో 1.4 బిలియన్ డాలర్ల అంటే పది వేల కోట్ల మేర ఆదాయం వచ్చింది. 2018తో పోల్చుకొంటే 12 శాతం ఎక్కువ. భారతీయ ఆదాయంతో పోల్చుకొంటే హాలీవుడ్ పరిశ్రమ అంకెలు చాలా తక్కువగా ఉంటాయి.

బాలీవుడ్‌లో పరిస్థితులు

వేసవి సెలవులను టార్గెట్ చేసుకొని పలు సినిమాలు రిలీజ్‌కు ముస్తాబయ్యాయి. బాలీవుడ్‌లో అక్షయ్ కుమార్ నటించిన సూర్యవంశీ, ప్రముఖ క్రికెటర్ కపిల్ దేవ్ జీవితం ఆధారంగా తెరకెక్కుతున్న 83 చిత్రాలపై బాలీవుడ్ భారీగా ఆశలు పెట్టుకొన్నది. ప్రేక్షకుల అంచనాలు పెంచిన ఈ చిత్రాలు బాక్సాఫీస్‌ను షేక్ చేస్తాయనే అభిప్రాయం ఉండేది. కానీ కరోనా అలాంటి ఆశలపై నీళ్లు జల్లింది. పలు చిత్రాల షూటింగ్‌లు వాయిదాపడ్డాయి. దీంతో ఎనలేని నష్టం వాటిల్లే పరిస్థితి కనిపిస్తున్నది.

దక్షిణాదిలో ప్రభావం

ఇక దక్షిణాది విషయానికి వస్తే.. తెలుగులో నాని నటించిన వీ చిత్రం, అనుష్క శెట్టి నటించిన నిశ్శబ్దం సినిమాలు వేసవిని టార్గెట్‌గా చేసుకొన్నాయి. తమిళంలో విజయ్ నటించిన మాస్టర్ దాదాపు ఏప్రిల్ మొదటి వారంలో ప్రేక్షకుల ముందుకు వచ్చేందుకు సిద్దమైంది. సెలవుల్లో ఫ్యామిలీ ఆడియెన్స్‌ను థియేటర్లకు రప్పించి కాసుల పంటను పండిందామనే నిర్మాతల ఆశలకు కరోనా చెక్ పెట్టింది. పలు సినిమాలు రిలీజ్ వాయిదా పడటం అనేక సమస్యలకు దారి తీస్తున్నది. అలాగే ఆచార్య, మహేష్ బాబు, అల్లు అర్జున్ లాంటి అగ్రహీరోల సినిమాలు వాయిదా పడ్డాయి.

Recommended Video

Irrfan Khan To Act Prabhas And Nag Ashwin's Movie But We Missed Him In Second Telugu Movie

ఎన్ని వందల కోట్లు నష్టమంటే

దేశంలోని సినిమా పరిస్థితులను బేరిజు వేసి చూస్తే భారతీయ సినిమా పరిశ్రమపై భారీగానే ప్రభావం పడే అవకాశం ఉంది. 2019లో 330 మిలియన్ డాలర్ల మేర అంటే 2.5 వేల కోట్ల రూపాయల మేర నష్టం వాటిల్లే ప్రమాదం ఉంది అని ట్రేడ్ అనలిస్టు కోమల్ మెహతా వెల్లడించారు. సినిమా థియేటర్లు, షూటింగ్‌ల క్యాన్సిల్ వల్ల ప్రొడక్షన్ కాస్ట్ రెండింతలు పెరిగే అవకాశం ఉంది అని పలువురు అభిప్రాయపడ్డారు.