Don't Miss!
- Sports చరిత్ర సృష్టించిన KL రాహుల్.. ధోనీ రికార్డు బ్రేక్
- News ఏపీలో తీవ్ర వడగాల్పులు: అప్రమత్తంగా ఉండక తప్పదు
- Automobiles వెస్పా 140 వ యానివర్సరీ వేడుకలు.. స్పెషల్ ఎడిషన్ స్కూటర్ లాంచ్..
- Lifestyle వేసవిలో కిడ్నీలు భద్రంగా ఉండాలంటే రోజూ ఎన్ని గ్లాసుల నీళ్లు తాగాలో తెలుసా?
- Technology రియల్మి ప్యాడ్ 2 వైఫై వేరియంట్ సేల్ ప్రారంభం.. రూ.2000 తగ్గింపు.. ఆఫర్ కొన్నిరోజులు మాత్రమే..!!
- Travel తెలంగాణలోని గొంతెమ్మగుట్ట సందర్శనకు బయలుదేరుదామా..?
- Finance Market Closing: మార్కెట్లను వీడిన నిరాశ మేఘాలు.. లాభాల్లో ముగిసిన సెన్సెక్స్-నిఫ్టీ..
‘ఆదిపురుష్’లో హనుమంతుడు అతడే: ప్రభాస్కు బంటుగా మారిన సీరియల్ యాక్టర్
ఇంత కాలం తెలుగు సినీ ఇండస్ట్రీలో హవాను చూపించి.. ఇప్పుడు 'ఆదిపురుష్' అనే సినిమాతో బాలీవుడ్లోకి ఎంట్రీ ఇవ్వబోతున్నాడు యంగ్ రెబెల్ స్టార్ ప్రభాస్. చారిత్రక చిత్రాల దర్శకుడిగా పేరొందిన ఓం రౌత్ తెరకెక్కిస్తోన్న ఈ మూవీ రామాయణం నాటి కథతో వస్తోంది. చెడు మీద మంచి గెలవడం అనే కాన్సెప్టుతో రూపొందుతోన్న ఈ చిత్ర షూటింగ్ చాలా వరకూ పూర్తైంది. కరోనా సెకెండ్ వేవ్ కారణంగా ఇటీవలే చిత్రకరణను నిలిపేశారు. ఇక, ఇప్పుడు పరిస్థితులు చక్కబడడంతో షూట్ను ప్రారంభించబోతున్నారు. ఈ నేపథ్యంలో దీని గురించి ఓ అప్డేట్ వచ్చింది.
ఎంతో ప్రతిష్టాత్మకంగా రూపొందుతోన్న 'ఆదిపురుష్' మూవీలో హనుమంతుడిగా మరాఠా నటుడు దేవదత్తా నాగే నటిస్తున్నట్లు తెలుస్తోంది. ఇప్పటికే ఆయనపై కొన్ని సన్నివేశాలు కూడా చిత్రీకరించినట్లు సమచారం. 'దేవ్యానీ', 'జై మల్హార్' వంటి సీరియళ్లతో ఫేమస్ అయిన ఈ నటుడు.. ఆ తర్వాత పలు సినిమాల్లోనూ నటించాడు. వీటిలో 'సత్యమేవ జయతే', 'తానాజీ' వంటి చిత్రాలు పేరు తెచ్చిపెట్టాయి. ఈ క్రమంలోనే ఓం రౌత్ ఆయనను హనుమంతుడి పాత్రకు తీసుకున్నట్లు తెలిసింది. ఇక, దేవదత్తాకు సంబంధించిన ఫస్ట్ లుక్ త్వరలోనే విడుదల కానుందనే టాక్ వినిపిస్తోంది.
రామాయణంలో ఇప్పటి వరకూ ఎవరూ టచ్ చేయని కథతో వస్తున్న 'ఆదిపురుష్' మూవీలో ప్రభాస్ శ్రీరాముడిగానూ.. సైఫ్ అలీ ఖాన్ రావణుడిగానూ నటిస్తున్నారు. అలాగే, టాల్ బ్యూటీ కృతి సనన్ సీతగా చేస్తోంది. సన్నీ సింగ్ లక్ష్మణుడి పాత్రను పోషిస్తున్నాడు. ఇది తెలుగు, తమిళం, హిందీ, మలయాళం, కన్నడ భాషల్లో తెరకెక్కుతోంది. భారీ బడ్జెట్తో రాబోతున్న ఈ సినిమాను టీ సిరీస్ బ్యానర్పై భూషణ్ కుమార్, కృష్ణ కుమార్, ప్రసాద్ సుతార్, రాజేష్ నాయర్లు సంయుక్తంగా నిర్మిస్తున్న విషయం తెలిసిందే.