ఓ డైరెక్టర్ నైటీలో రమ్మన్నాడు.. ఇండస్ట్రీలో అంతా ఇడియెట్సే.. క్యాస్టింగ్ కౌచ్‌పై..

చాలా మంది వేధించారు..

పడక గదికి వస్తేనే వేషాలు ఇస్తామని చాలా మంది నా కెరీర్ తొలినాళ్లలో వేధించారు. చాలా సార్లు అలాంటి పరిస్థితిని ఎదుర్కొన్నాను. చాలా మంది డైరెక్టర్ల పేర్లు కూడా గుర్తుకు లేవు. పరిశ్రమలో ఎక్కువ మంది ఇడియెట్స్ ఉంటారు అని మహీ ఆరోపించింది.

డైరెక్టర్ నైటీలో రమ్మన్నాడు..

ఓ సారి నేను ఓ డైరెక్టర్‌ను కలిశాను. అప్పుడు నేను సల్వార్ సూట్ వెళ్లాను. అందుకు నీవు ఇలా సల్వార్ సూట్‌లో వస్తే ఎవరూ వేషాలు ఇవ్వరు అని అన్నాడు. మరో డైరెక్టర్‌ను కలిస్తే ఆయన ‘నిన్ను నైటీలో చూడాలనుకొంటున్నాను అని అన్నాడు అని మహీ గిల్ అన్నారు.

తొలినాళ్లలో అనేక కష్టాలు

సినీ అవకాశాల కోసం వచ్చినప్పుడు ముంబై నాకు చాలా కొత్త. ఇక్కడ ఎవరు మంచి వాళ్లో.. ఎవరు చెడ్డవాళ్లో తెలుసుకోవడం చాలా కష్టంగా ఉండేది. ముంబైలోని సినీ పరిశ్రమలో ఉన్న మాటలు వినాల్సి వచ్చేది. మంచి వ్యక్తులను ఎవరని గుర్తించడం.. అలాంటి వారిని కలవడం చాలా కష్టమయ్యేది అని గిల్ వెల్లడించింది.

వాళ్ల ప్రవర్తనతో విసిగిపోయాను..

సినీ పరిశ్రమకు కొత్త కావడంతో అలాంటి పరిస్థితులను ఎలా ఎదుర్కొనాలో తెలిసేది కాదు. కొత్త వాళ్లను కలిసేందుకు వెళ్లే సమయంలో చాలా టెన్షన్‌గా ఉండేది. చాలా మంది అడ్డదిట్టంగా మాట్లాడే వాళ్లు. కొంత మంది ప్రవర్తనతో అక్కడి నుంచి పారిపోయేదాన్ని అని మహీ గిల్ చెప్పింది.

డబ్బులు లేక కష్టపడ్డాను

సినీ అవకాశాల కోసం చాలా ఆఫీసులు తిరిగేదానిని. ఒంటరిగా వెళ్లేందుకు భయం వేసేది. దాంతో నా స్నేహితులను వెంటపెట్టుకొని వెళ్లేదానిని. అవకాశాలు లభించకపోవడంతో పూట గడవడం కష్టంగా మారింది. చేతిలో డబ్బులు లేని పరిస్థితి. చాలా బాధగా ఉండేది.

దూరదర్శన్ సీరియల్స్‌లో నటించా

డబ్బుల కోసం దూరదర్శన్ సీరియల్స్‌లో నటించేదానిని. దేవ్ డీ సినిమాతో నాకు బాలీవుడ్ అవకాశం తలుపుతట్టింది. ప్రస్తుతం తింగ్మాన్షు ధులియా రూపొందించే సాహెబ్ బీవీ ఔర్ గ్యాంగస్టర్3 చిత్రంలో నటిస్తున్నాను అని మహీ గిల్ పేర్కొన్నది.